David von Wyss
Dr David von Wyss (* 8. Juni 1763 z Züri; † 18. August 1839 z Erlebach) gältet as eine vo de füehrende konservative Politiker vo dr Schwiiz in dr erste Helfti vom 19. Johrhundert.
Dr David von Wyss isch dr Sohn vom Zürcher Bürgermeister mit em gliiche Name gsi. Noch em Rächtsstudium z Halle het er in verschiidene Positione as Jurist für e Stadtstaat Züri gschafft. In dr Helvetische Republik isch er vo 1801 bis 1802 Mitgliid vom Senat gsi. Im Herbst 1801 het dr Wyss für die föderalistischi Regierig vo dr Helvetische Republik uf dr Grundlag vo dr Verfassig vo Malmaison e neui Verfassig uusgarbeitet, wo am 26. Februar 1802 vom Senat aagnoh worden isch. Noch em Staatsstreich vom 17. April isch d Verfassig aber nit umgsetzt worde und dr Wyss het sich in d Zürcher Politik zruggzooge. 1803 isch er em Groosse Root biidrätte und isch no im gliiche Johr in d Regierig, dr Chlii Root ufgnoo worde, won er bis 1814 drzue ghört het. Vo 1814 bis 1832 isch er Bürgermeister vo Züri gsi. In dere Rolle het er 1815 as Vorsitzende vo dr "Lange Dagsatzig" amtiert und isch massgäblig gsi drfür, ass dr Bundesvertrag z Stand cho isch. 1821 und 1827 isch er as Presidänt vo dr Dagsatzig Staatsoberhaupt vo dr Schwiiz gsi.
Literatur
[ändere | Quälltäxt bearbeite]- Gerold Meyer von Knonau: Wyß, David von [d. Ä. und d. J.]. In: Allgemeine Deutsche Biographie (ADB). Band 44, Duncker & Humblot, Leipzig 1898, S. 404–417.
Weblingg
[ändere | Quälltäxt bearbeite]- Felix Richner: Wyss, David von. In: Historisches Lexikon vo dr Schwiiz.
|
Dä Artikel basiert uff ere fräie Übersetzig vu dere Version vum Artikel „David_von_Wyss“ vu de dütsche Wikipedia. E Liste vu de Autore un Versione isch do z finde. |