Danyal Bayaz
.jpg)
Dr Danyal Bayaz (* 15. Oktober 1983 z Haidelberch) isch e dytsch-dirkische Kommunikationswisseschaftler, Unternämesberoter un Bolitiker (Bindnis 90/Di Griene). Vu Oktober 2017 bis Mai 2021 isch er Mitglid vum Dytsche Bundesdag gsii. Syt em 12. Mai 2021 isch er Minischter fir Finanze vum Land Bade-Wirttebärg im Kabinett Kretschmann III.
Lääbe
[ändere | Quälltäxt bearbeite]Dr Danyal Bayaz isch anne 1983 z Haidelberch as Chind vun ere dytsche Mueter un eme dirkische Vater, eme Rundfunkredakteer[1], uf d Wält chuu un au dert ufgwagse. Är het di dytsch un au di dirkisch Staatsaagherigkait.[2] Em Bayaz sy Großvater isch Botschafter vu der Dirkei z Dytschland gsii.[3] Noch em Abitur am Haidelbercher Bunsen-Gimnasium het er sy Zivildienscht am Dytsche Chräbsforschigszäntrum glaischtet.[4]
Dr Bayaz isch mit dr bairische Griene-Fraktionsvorsitzeri im Bairische Landdag Katharina Schulze liiert,[5] un het mit ire ne Chind[6]. Si läbe zäme z Minche.[7]
Uusbildig un Beruef
[ändere | Quälltäxt bearbeite]Dr Bayaz het Kommunikationswisseschaft an dr Uniwersiteet Hoohaim studiert, speter het er iber Finanzmäärt promoviert.[8] Unter anderem het er en Forschigsufenthalt as Fulbright-Fellow an dr New Yorker Cornell University absolviert.[9] Vu 2013 bis 2017 het dr Bayaz as Beroter fir di global Strategyberotig Boston Consulting Group gschafft.[10]
Bolitik
[ändere | Quälltäxt bearbeite].jpg)
Dr Bayaz isch im Johr 2005 Mitglid vu dr Griene wore, vu 2013 bis 2017 isch er Mitglid im Landesvorstand vu dr Griene z Bade-Wirttebärg gsii.[11]
Dr Bayaz isch au Mitglid vu dr iberbarteilige Europa-Union Dytschland.[12]
Mitglid vum Bundesdag
[ändere | Quälltäxt bearbeite]
Zum eschte Mol het dr Bayaz bi dr Bundesdagswahl 2013 fir e Mandat im Bundesdag kandidert. Bi dr Bundestagswahl 2017 het er wider kandidiert. Dr Landesbarteidag het dr Bayaz uf dr 12. Blatz vu dr Landeslischt gwehlt,[13][14] derzue het er au as Diräktkandidat im Wahlkrais Bruusel – Schwetzinge kandidiert. Bi dr Bundesdagswahl 2017 sin di Griene z Bade-Wirttebärg uf 13,4 Brozänt chuu, 2,5 Brozänt mee wie 2013. Dr Bayaz isch as zwelfte vu 13 gwehlte Kandidate*ne vu dr Landeslischt in Bundesdag yyzoge.[15][16][17] In sym Wahlkrais het er 8,3 Brozänt vu dr Erschtstimme gwunne, noch em Olav Gutting (CDU, 41,5 %), dr Nezaket Yildirim (SPD, 19,5 %) un em Dieter Amann (AfD, 14,4 %).
Dr Bayaz isch im 19. Bundesdag Obmann im 3. Untersuechigsuusschuss gsii, ordeli Mitglid im Finanzuusschuss, stellverdrättend Mitglid im Uusschuss Digitali Agenda, im Uusschuss fir Wirtschaft un Energy un au in dr Enquete-Kummission fir Chinschtligi Intelligänz, derzue au stellverdrättend Mitglid im Huushaltsuusschuss. Ab 2019 isch er Mitglid vu dr Dytsch-Franzesische Barlamäntarische Versammlig gsii. In syre Bundesdagsfraktion isch er fir s Thema Start-up-Unternäme zueständig gsii un het dr Wirtschaftsbyrot glaitet.
Finanzminischter vu Bade-Wirttebärg
[ändere | Quälltäxt bearbeite]Am 12. Mai 2021 isch dr Bayaz vum widergwehlte Minischterbresidänt, Winfried Kretschmann, zum Minischter fir Finanze vum Land Bade-Wirttebärg ernännt wore. Är isch am nämlige Dag im Landdag bstetigt un veraidigt wore. Dodermit isch er Mitglid vum Kabinett Kretschmann III. Dr Bayaz het sy Abgordnetemandat im Bundesdag zum Ablauf vum 28. Mai 2021[18] niderglait. Fir ihn isch dr Marcel Emmerich in Bundesdag noogruckt.
Mitglidschafte
[ändere | Quälltäxt bearbeite]- Stiftung für die Rechte zukünftiger Generationen
- Verein für Socialpolitik (Ökonomenvereinigung)
- Forum ökologisch-soziale Marktwirtschaft
- Heidelberger Energiegenossenschaft
- Asylarbeitskreis Heidelberg e.V.
Schrifte
[ändere | Quälltäxt bearbeite]- ‚Heuschrecken‘ zwischen Rendite, Reportage und Regulierung. Die Bedeutung von Private Equity in Ökonomie und Öffentlichkeit. Springer Fachmedien, Wiesbaden 2014, ISBN 978-3-658-04037-6. (Zugleich: Dissertation Universität Hohenheim 2013)
Weblink
[ändere | Quälltäxt bearbeite]
Commons: Danyal Bayaz – Sammlig vo Multimediadateie- Websyte vum Danyal Bayaz
- Biographie beim Deutschen Bundestag
- dr Danyal Bayaz uf dr Syte vum Finanzminischterium Bade-Wirttebärg
- dr Danyal Bayaz uf dr Syte vu dr Bundestagsfraktion vu Bindnis 90/Di Griene
Fueßnote
[ändere | Quälltäxt bearbeite]- ↑ Rüdiger Soldt, Kretschmann schätzt ihn, In: Frankfurter Allgemeine Zeitung vom 2. September 2021
- ↑ Grüner Exot im Bundestag, FAZ
- ↑ Grüner Exot im Bundestag, FAZ
- ↑ Deutscher Bundestag - Abgeordnete. Abgruefen am 22. Februar 2021.
- ↑ Katharina Schulze zeigt sich erstmals mit ihrem Freund! Abgruefen am 27. Juli 2019.
- ↑ Renate Allgöwer: Baby von Danyal Bayaz ist da: Neuer Finanzminister ist Vater, Stuttgarter Nachrichten, 22. Juni 2021
- ↑ Grünen-Politiker verkünden Geburt ihres ersten Kindes. In: t-online.de. 21. Juni 2021, abgruefen am 9. August 2021.
- ↑ Minister: Dr. Danyal Bayaz. In: fm.baden-wuerttemberg.de. Abgruefen am 31. Mai 2021.
- ↑ Danyal Bayaz: Danyal Bayaz – Über Danyal. Abgruefen am 28. September 2017.
- ↑ Grüne Bundestagsfraktion: Dr. Danyal Bayaz - Gründe Bundestagsfraktion 19. Wahlperiode. (Nicht mehr online verfügbar.) Archiviert vom Original am 30. September 2017; abgruefen am 1. Oktober 2017.
- ↑ Die Grünen Baden-Württemberg: Wahl zum Landesvorstand 2015. Abgruefen am 12. Oktober 2018.
- ↑ Danyal Bayaz Homepage vu dr Europa-Union Dytschland, abgruefen am 26. Merz 2018
- ↑ Landesliste für den Bundestag. Grüne Baden-Württemberg, 2017, abgruefen am 28. September 2017.
- ↑ Referänz-Fähler: Uugiltige <ref>-Tag; s isch kei Täxt fir s Ref mit em Name :1 aagee wore.
- ↑ Rainer Haendle: Karlsruhe schickt fünf Abgeordnete nach Berlin. In: Badische Neueste Nachrichten. 25. September 2017, abgruefen am 28. September 2017.
- ↑ Vorläufiges Ergebnis der Wahl zum 19. Deutschen Bundestag am 24. September 2017 mit Vergleichsangaben von 2013 – Land Baden-Württemberg. (PDF) Landeswahlleiterin Baden-Württemberg, 24. September 2017, abgruefen am 25. September 2017.
- ↑ Pressemitteilung: Vorläufiges Ergebnis der Bundestagswahl 2017. (PDF) Ministerium für Inneres, Digitales und Migration Baden-Württemberg, 25. September 2017, abgruefen am 25. September 2017.
- ↑ Deutscher Bundestag – Abgeordnete: Danyal Bayaz. In: bundestag.de. Abgruefen am 21. Mai 2021: „Dr. Danyal Bayaz, Bündnis 90/Die Grünen hat auf seine Mitgliedschaft im 19. Deutschen Bundestag verzichtet und wird mit Ablauf des 28. Mai 2021 aus dem Deutschen Bundestag ausscheiden.“