Daniela Dill

Us der alemannische Wikipedia, der freie Dialäkt-Enzyklopedy
Dialäkt: Baseldütsch

D Daniela Dill (* 1982 z Liestel) isch e Baaselbieter Spoken-Word-Autorin uf Mundart und uf Hoochdütsch.

Lääbe[ändere | Quälltäxt bearbeite]

D Daniela Dill isch 1982 z Liestel uf d Wält choo. Sie het an dr Uni Baasel Französisch und dütschi Liddratuurwüsseschafte studiert. No as Studäntin het si as Slam Poetin afo ufdrätte. Vo 2004 bis 2007 isch si Schauspiilere am Junge Theater Aarau gsi.[1] Zwüsche 2011 und 2016 het si as wüsseschaftligi Mitarbäitere im Dichter- und Stadtmuseum Liestel gschafft.[2]

D Dill het z Liestel s «Moulin Bouge» afo organisiere, wo si Brömiere am 1. Januar 2008 gha het[3] und us säggs Kultuurööbe bro Säson bestoot. An deene wärde Muusig, Kabarett und Liddratur bresentiert.

Sit 2011 schafft si as Spoken-Word-künstlere, organisiert Ewänt, schribt Teggst und git Workshops in Slam Poetry an Schuele. Mit de Muusiker Christoph Wüthrich und Florian Siess drättet si in dr Spoken-Word-Bänd «Dill & Kraut» uf. Sit 2019 isch si Co-Läiterin vom Junge Schriibhuus WORTSTELLWERK z Baasel.[4]

D Daniela Dill läbt z Baasel.

Wärk[ändere | Quälltäxt bearbeite]

D Dill het Teggst in Antologiä, uf CD und am Radio veröffentligt. Iir Buech Herz Rhythmus Störungen isch 2012 vo dr edition Baes uusegee worde. «Durzueständ», e Sammlig vo Teggst uf Hochdütsch und Mundart isch 2020 bi Der gesunde Menschen­versand uusechoo.[5]

Förderbriis[ändere | Quälltäxt bearbeite]

  • 2010 het si dr Kulturförderbriis vom Kanton Baaselland überchoo.
  • 2017 het ere s Atelier Mondial e Schribstipändium z Bariis gee.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. edition baes: Daniela Dill
  2. Junges Schreibhaus Basel
  3. Facebook: Moulin Bouge
  4. Der gesunde Menschenversand: Daniela Dill
  5. Der gesunde Menschenversand: Daniela Dill, Durzueständ