Daniel Kirkwood
| Dialäkt: Markgräflerisch (Ebringe) |
Dr Daniel Kirkwood (* 27. September 1814 im Harford County, Maryland; † 11. Juni 1895 in Riverside, Kalifornie) isch e US-amerikanische Astronom gsi.
Dr Kirkwood isch uf ere Farm in Maryland uf d'Welt chu und het mit 19 Johre agfange, an dr Schuel z'underrichte. Debi het er selber d'Algebra glärt, indem er sini Schüeler mit Hilf vume Lehrbuech underrichtet het. Schliessli het er uf em York County College in Pennsylvania studiert, wo er nooch sinem Abschluss 1838 ebefalls glehrt het.
1843 isch er Leiter vu dr Lancaster High School in Pennsylvania worre. Dert het er agfange, sich mit astronomische Theme z'beschäftige. Es sin sibe Arbete enstande. Die zweit devu het sich alässlich vu dr Entdeckig vum 5. Asteroid (Astrea) mit dr Asteroide beschäftigt.
Im August 1849 her er international uf sich ufmerksam gmacht, wie er e mathematischi Analogi zwische dr Rotation vu dr Planete un ihre Umlaufbahne entdeckt het. Anno 1851 isch dr Kirkwood Professor fer Mathematik am Delaware College worre und dert zwische 1854 un 1856 Präsident gsi.
Anno 1856 sich dr Kirkwood no as Professor fer Mathematik an d 'Indiana University in Bloomington gange. Dert isch er witter in dr Asteroideforschig dätig gsi un het anno 1861 d'Hypothese ufgstellt, dass d'Meteorschauer Yberreste vume zerstörte Komet si chönnte.
Si bedütendsti Leistig isch d'Entdeckung vu dr uf ihn daifte Lucke im Asteroidegürtel gsi, wo er anno 1866 gmacht het, die so gnennte Kirkwoodlucke.
Im zue Ehre isch dr Karter Kirkwood uffem Erdmo daift.
Weblink
[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Daniel_Kirkwood“ vu de dütsche Wikipedia. E Liste vu de Autore un Versione isch do z finde. |