Daniel Andreas Lede Abal

Us der alemannische Wikipedia, der freie Dialäkt-Enzyklopedy
Hops zue: Navigation, Suech
dr Daniel Lede Abal 2013

Dr Daniel Andreas Lede Abal (* 1. Juni 1976 z Stuegert) isch e dytsche Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg.

Uusbildig un Beruef[ändere | Quälltäxt bearbeite]

Dr Vater vum Daniel Lede Abal isch e Spanier sy Mueter e Dytschi. Är isch z Stuegert, z Korntal un z Ditzenga ufgwachse un isch z Korntal uf d Grundschuel un s Gymnasium. Noch em Abitur 1995 het er sy Zivildienscht in eme Caritas-Wohnhaim fir gaischtig un mehfach behindereti Erwachseni z [Bad Cannstatt]] gmacht. Derno het er an dr Universitet Dibenga e Lehramtsstudium mit dr Fächer Dytsch, Bolitikwisseschaft un Spanisch aagfange, des aber abbroche. Är het derno in ere Wyyhandlig gschafft un isch schließli Gschäftsfierer vun ere wore.

Bolitischi Laufbahn[ändere | Quälltäxt bearbeite]

In dr frieje 1990er Johr isch dr Lede Abal dr Jungdemokrate noogstande. Im Friejohr 1997 isch er Mitglid bi dr Griene Hochschuelgruppe Dibenga wore un isch as Studänteverdrätter au im Chlaine Senat un im AStA gsii. Mitglid vu Bindnis 90/Di Griene isch er anne 1998 wore. Vu 2000 bis 2011 isch er Mitglid im Vorstand vum griene Stadtverband Dibenga gsii, zueständig fir d Finanze. Vu 2004 bis 2009 isch er Abgordnete im Kraisdag vum Landkrais Dibenga gsii. Dert isch er Mitglid im Verwaltigs- un Tächnische Uusschuss un in dr Verbandsversammlig vum Zweckverband Abfallwirtschaft Reutlingen/Tübingen gsii.

Bi dr Landdagswahl z Bade-Wirttebärg 2011 het er 23,49 % vu dr Stimme s Diräktmandat im Wahlkrais Dibenga gwunne un isch eso in dr Landdag vu Bade-Wirttebärg gwehlt wore. Dert isch er integrationsbolitische Sprächer vu syre Fraktion un Mitglid im Integrationsausschuss, im Uusschuss fir Wisseschaft, Forschig un Chunscht un im Ständigen Uusschuss. Derzue isch er Obmann in dr Enquetekommission NSU/Rechtsterrorismus.

Sunschtigs Engaschmänt[ändere | Quälltäxt bearbeite]

  • Mitglid im Verwaltigsrot vum Landestheater Württemberg-Hohenzollern
  • Mitglid im Verwaltigsrot vum Studentenwerk Tübingen-Hohenheim AöR
  • Schöffe am Amtsgricht Dibenga
  • Stellverdrätted Mitglid vum Rundfunkrot vum Südwestrundfunk

Persenligs[ändere | Quälltäxt bearbeite]

Daniel Lede Abal isch remisch-katholisch un wohnt syter anne 1996 z Dibenga. Im Juni 2008 het er ghyrote un isch im Augschte 2009 Vater vun ere Dochter wore.

In syre Juged isch er aktive Handballer gsii un insgsamt 19 Johr Handballschidsrichter im Jugedberych.

Weblink[ändere | Quälltäxt bearbeite]

 Commons: Daniel Andreas Lede Abal – Sammlig vo Multimediadateie