Damona

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Damona isch e Göttin vo de Kelte gsii. Si isch Partneri vom Hailgott Borvo. De Gallisch Name bidütet »Groossi Chue« (zu air. dam »Ochs«).

D Damona isch i de Orte Aquae Bormonis (hüt: Bourbon-Lancy; Dép. Saône-et-Loire) im Piet vo de Häduer und Bourbonne-les-Bains (Dép. Haute-Marne) im Piet vo de Lingone zäme mitem Apollo Bormo / Borvo vereert wore. Baid Ort sind nochem Gott Bormo binennt und hend haissi Quelle. Us Alesia stammt e Statue vo de Damona, wo si mitem Apollo Moritasgus zäme erschiint [1], emene Gott wo nume z Alesia gnennt werd.

D Damona und de Apollo Borvo sind nume ufeme chliine Piet verbraitet und si sind sicher e lokali Form vo de Sirona und em Apollo Grannus. Au s Götterpaar Bormanus und Bormana [2] sind sicher e lokali Variante vo dem Paar.

Quelle[ändere | Quälltäxt bearbeite]

  1. AE 1965, 181
  2. CIL XII, 1561

Büecher[ändere | Quälltäxt bearbeite]

  • Bernhard Maier: Lexikon der keltischen Religion und Kultur. Kröner, Stuttgart 1994, ISBN 3-520-46601-5