Dachverband der Dialekte Baden-Württemberg

Dr Dachverband vu dr Dialäkt Baade-Wiirtebäärg (dt. Dachverband der Dialekte Baden-Württemberg, chuurz DDDBW) het s Zyyl, d Dialäkt z Baade-Wiirtebäärg z feerdere. Mitgliider vun Dachverband sin unter anderem verschiideni Dialäkt- und Kultuur-Verbänd us em Land. S Land Baade-Wiirtebäärg duet där Dachverband mit 78.000 € pro Joor finanziäll unterstitze.

Gschicht

Dää Dachverband isch am 12. Juuli 2023 z Stuegert grindet woore. D Iniziatiiv dooderzue isch vu vier Landdaagsabgoornete us vier Frakzioone uusgange, vum Markus Rösler (Grieni), em Willi Stächele (CDU), em Andreas Kenner (SPD) un em Jochen Haußmann (FDP), wu im Landdaag e Barlemäntaariergruppe zum Teema Dialäkt grindet ghaa hän. Bi dr Grindigsversammlig vum Dachverband sin näbe dr Iniziatoore un andere Verdrätter*ne us dr Bolitik rund 50 Verain un Verbänd derbyy gsii, derzue verschiideni Dialäktchinschtler*ne un Sproochwisseschaftler*ne. Im Voorfäld vu däre Grindigsversammlig het s verschiideni Dräffe gee zum d Grindig voorberaite, unter anderem vun ere Satzigskummissioon im Meerz 2023 z Chaarlsrue.

Mitgliidsverbänd

Mitgliid vum Verband sin die Verain:

• Landesverband der Heimat- und Trachtenverbände Baden-Württemberg e. V.
• Förderverein Schwäbischer Dialekt e. V.
• Unsere Sprachheimat e. V.
• Mundartgesellschaft Württemberg e. V.
• Schwäbischer Heimatbund e. V.
• Schwäbischer Albverein e. V.
• Landesverband Amateurtheater Baden-Württemberg e. V.
• schwäbische mund.art e. V.
• Muettersproch-Gsellschaft e. V.

Voorstand

In Voorstand vum neie Dachverband sin die Lyt gweelt woore:

• Martin Kistler (Landroot vum Landkrais Waldshuet), Voorsitzer
• Veronica Kerber (Unsere Sprachheimat e. V.), Stellverdrättendi Voorsitzeri
• Pius Jauch (Schwäbische Mundart e. V.), Stellverdrättende Voorsitzer
• Reinhold Frank (Landesverband der Heimat- und Trachtenverbände BW e. V.), Schatzmaischter
• Wolfgang Wulz (Schwäbische Mundart e. V.), Schriftfierer
• Karlheinz Geppert (Förderverein schwäbischer Dialekt e. V.)
• Jeanette Rzyski-Knab (Mundartgesellschaft Württemberg e. V.)
• Heidi Ströbel (Landesverband der Amateurtheater e. V.)
• Heidi Zöllner (Muettersproch-Gsellschaft e. V.).

Landespreis für Dialekt

Im Juni 2024 het dr Dachverband dr Landespreis für Dialekt uusgschriibe. Bi däm Landesbryys fir Dialäkt cha mer si in dr Kategorie Junge Generation, Literatur, Lied/Musik, Kabarett/Comedy/Live-Performance/Bühnenkunst, Film un Neue Medien bewäärbe. Dr Bryys isch mit insgsamt 50.000 € dotiert.

Weblink

• https://www.dachverband-dialekte.de
• Dialektfans vernetzen sich landesweit. Dachverband der Dialekte Baden-Württemberg gegründet, Brässemitdailig vum Dachverband zue dr Grindig
• Warum das Schwäbische modern ist, Stuttgarter Zeitung, 13. Februar 2023
• „Alemannisch bedeutet für mich Heimat“: Landrat Kistler ist jetzt Dialekt-Chef im Land, Südkurier, 25. Juli 2023