S Claraspiddaal Baasel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Claraspiddaal Baasel
Unternähmensform Akziegsellschaft
Gründig 1928
Sitz Baasel, Schwiz
Leitig

Dr. Peter Eichenberger, Diräkter

Mitarbeiter 1000
Branche Gsundhäitswääse
Uffdritt im Netz claraspital.ch
Dialäkt: Baseldütsch

S Claraspiddaal isch e brivaats Akutspiddaal an dr Chläiriechestrooss 30 z Baasel.

Es liit im Chläibaasel. Es het zwäi Zentre – s Buuch- und s Tumorzentrum, isch e Referänzspiddaal für Adipositas und spezialisiert sich in Pnöimologii, Urologii, Kardiologii, Orthopädii/Traumatologii. Im Joor 2013 het s Spiddaal öbbe zääduusig stazionäri Paziänte ghaa.

Gschicht[ändere | Quälltäxt bearbeite]

1910 isch e Veräin gründet worde under em Vorsitz vom Josef Anton Häfliger, Bsitzer vo dr Santihannsapithek und Dozänt an dr Uniwersidäät Baasel, mit dr Absicht, e Spiddaal für d Mitgliider vo dr römisch-katholische Gmäind z baue. 1924 het dr Veräin s ehemoolige Hirzbrunneguet kauft und e Dräägerschaft für s Spiddaal gfunde: d Kongregazion vo de barmhärzige Schwöstere vom Häilige Chrüz, Ingebohl, wo z Baasel scho im Mariehuus und in dr Huschrankepflääg däätig gsi si. 1928 isch d St. Claraspital AG gründet worde und am 6. Februar 1928 het mä s Spiddaal chönne iiweie.

Langi Zit het s Pfläägpersonal fast nume us Ordensschwöstere bestande, aber hüte wärde si mee und mee vo Personal vo usserhalb vom Orde abglööst.

Kwelle[ändere | Quälltäxt bearbeite]

Koordinaten: 47° 33′ 59″ N, 7° 36′ 50″ O; CH1903: 613190 / 268424