Childerich III.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Childerich III.
König vo de Franke
Jean Dassier (1676-1763) - Childéric III roy de France (754).jpg
Fantasiibild vom Childerich III. (Jean Dassier, 1676-1763)
Regierigsziit743–751
Uf d Wält choöbbe 720
Gstorbeöbbe 755
VorgängerChilperich II.
DronfolgEr isch abgsetzt worde und si Huusmeier Pippin III. het sich zum König erhobe.
NochfolgerPippin III.
NochkommeTheoderich
Kgl. HuusMerowinger
VaterChilperich II.

Dr Childerich III. (* öbbe 720; † öbbe 755) isch der letzt Merowingerkönig (743 bis 751) gsi. Er isch dr Sohn vom Frankekönig Chilperich II. gsi.

Noch em Dod vom Theuderich IV. im Johr 737 het dr karolingisch Huusmeier Karl Martell, wo dr wirklig Herrscher im Frankeriich gsi isch, dr Erb Childerich im Chloster Sithiu (die spöteri Abtei Saint-Bertin) iigsperrt und und het dr merowingisch Dron vorläufig leer glo. Erst wo im Karl Martell si Sohn Karlmann im Früehlig 743 non emol e Schattekönig us em Gschlächt vo de Merowinger bruucht het, het me dr Childerich freiglo und inthronisiert. D Gründ drfür si nit ganz klar, aber es schiint, ass d Rächtmässigkeit vom König e Vorussetzig gsi isch für d Königsherrschaft, machtpolitisch si d Merowinger scho lang bedütigslos gsi. Me darf au anäh, ass die andere Adlige sich dr Inthronisierig und dr Legitimisierig vo dr Macht vo de karolingische Huusmeier widersetzt hai. Drzue isch cho, ass dr Huusmeier in däm Johr en entscheidende Chrieg gegen dr Herzog vo Bayre het welle füehre, und das het er, wie s schiint, gege die Grosse vom Riich nume chönne duresetze, wenn e legitime König si agfüehrt het.

Dr Childerich III. isch fast ganz unbekannt, und berüehmt isch er nume wäge siiner Absetzig worde. Me het en gschore und zwüschen em 31. Oktober 751 und em 23. Januar 752 het er müesse in s gliiche Chloster Sithiu idräte, won er vorhär gfange gsi isch. Dr Pippin het sich zum erste König vo de Karolinger krönt, vo de Merowinger het me nie meh öbbis ghört.

Dr Childerich III. het e Sohn hinderlo. Usser siim Name Theoderich weiss me nüt von em.


Literatur[ändere | Quälltäxt bearbeite]

  • Dieter R. Bauer u. a.: Mönchtum – Kirche – Herrschaft 750–1000. Jan Thorbecke Verlag, Sigmaringen 1998.
  • Pierre Riché: Die Karolinger. Eine Familie formt Europa. Deutscher Taschenbuch Verlag GmbH & Co. KG, München 1991.
  • Rudolf Schieffer: Die Karolinger. Verlag W. Kohlhammer, Stuttgart Berlin Köln 1992.
  • Reinhard Schneider: Königswahl und Königserhebung im Frühmittelalter. Anton Hirsemann, Stuttgart 1972.
  • Steffenhagen: Childerich III. In: Allgemeine Deutsche Biographie (ADB). Band 4, Duncker & Humblot, Leipzig 1876, S. 124.


Information icon.svg Dä Artikel basiert uff ere fräie Übersetzig vum Artikel „Childerich_III.“ vu de dütsche Wikipedia.

E Liste vu de Autore un Versione isch do z finde.