Childebert I.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Childebert I.
König z Paris
Louvre childebert ml93.jpg
Statuette vom Childebert, jetzt im Louvre
Regierigsziit 551–558
Uf d Wält cho öbbe 496
Gstorbe 23. Dezember 558
Dodesort Neustrie
Begrabe Chloster St. Vincent z Paris, hüt St-Germain-des-Prés
Vorgänger Chlodwig I.
Dronfolg Lex Salica: Nume Söhn erbe, s Riich wird under de Erbe ufdeilt.
Nochfolger Si Brueder Chlothar I.
Verhürotet mit Ultrogotho

Dr Childebert I. (* um 497; † 23. Dezember 558 z Neustrie) isch dr vierteltist Sohn Sohn vom merowingische Frankekönig Chlodwig I. gsi, dr dritt vo siiner Frau Chrodechild. Bi dr Riichsdeilig vo 511 het er s Deilriich mit dr Residänz z Paris übercho und het bis zu siim Dod regiert.

D Deilig vom Frankeriich 511
Im Childebert siis Riich isch in grüen

Dr Childebert het usser emen e eltere Halbbrueder Theuderich I. no drei Brüeder gha. Dr eltist vo dene, dr Ingomer, isch scho as Chind gstorbe. Die beide andere si dr Chlodomer und dr Chlothar I. gsi. Noch em Dod vo ihrem Vater Chlodwig im Johr 511 hai dr Theuderich, dr Chlodomer, dr Childebert und dr Chlothar s Riich underenander ufdeilt. Dr Childebert het s Küstegebiet zwüsche dr Somme und dr Loire (d Bretagne, d Normandie und Brie) übercho mit Paris as Residänz und drzue no e Stück im Weste vo Aquitanie.

Noch em Dod vom Chlodomer, wo 524 uf em e Fäldzug gege d Burgunde ums Läbe cho isch, hai dr Childebert und dr Chlothar beschlosse, im Chlodomer siini drei erbberächtigte unmündige Söhn, ihri Neuveux, us em Wäg z ruume, für zum sich s Erb azeigne. Dr Childebert het en drzue agstiftet und dr Chlothar het die beide eltere Chinder eigehändig dödet. So hai si ihri Riich vergrösseret.

Dr Childebert het ohni Erfolg au brobiert, d Auvergne, wo im Theuderich I. ghört het, däm wägzbeh. Spöter het er dr Theudebert adoptiert und zu siim Nochfolger bestimmt, aber dä isch sch 547/548 gstorbe. Denn hai d Brüeder Burgund ändgültig underworfe und jede von ene het e Deil vo Burgund und vo dr Provence übercho. Au gege dr Westgot Amalrich het dr Childerich Chrieg gmacht und ihn bi Narbonne 531 besiigt.

Dr Childerich het im Johr 512 oder e chli spöter d Ultrogotho ghürotet. Die isch wohrschiinlig vo gotischer Abstammig gsi. Mit ihre het er zwei Döchter, d Chrodoswinth und d Chrodoberga, aber kei Sohn. Dorum isch noch siim Dod im Johr 558 si Riich an si Brueder Chlothar I. gfalle.

Dr Childebert I. isch dr erst Merowinger gsi, wo in dr Pariser Abtei St. Vincent, em spötere St. Germain-des-Prés begrabe worden isch. Sini Frau und sini beide Döchter si im Johr 567 zum letzte Mol bezügt, vo denn a weiss me nüt meh von ene. D Ultrogotho isch au z St. Vincent begrabe.

Information icon.svg Dä Artikel basiert uff ere fräie Übersetzig vum Artikel „Childebert_I.“ vu de dütsche Wikipedia. E Liste vu de Autore un Versione isch do z finde.