Charles Friedel

Us der alemannische Wikipedia, der freie Dialäkt-Enzyklopedy
Dr Charles Friedel

Dr Charles Friedel (* 12. Merz 1832 z Stroossburg; † 20. April 1899 z Montauban) isch e französische Chemiker gsi.

Zämme mit sim Fründ James Mason Crafts het er 1877 d Reakzionsarte Friedel-Crafts-Alkylierig und Friedel-Crafts-Acylierig endeggt, wo noch de bäide benennt worde si.

Si Lääbe[ändere | Quälltäxt bearbeite]

Dr Friedel het vo 1850 aa z Stroossburg Naturwüsseschafte studiert und denn noch ere Pause 1852 an dr Sorbonne witerstudiert. Vo 1856 bis 1870 het er as Konserwator vo dr Mineraliesammlig vo dr École de Mines gschafft. In dere Zit het er sini chemische Kenntniss under em Charles Adolphe Wurtz im Labor vo dr École de Medicine verdieft. 1860 isch er dört im James Mason Crafts begegnet. Noch sinere Promozion 1869 het er 1871 e Stell as Dozänt an dr École Normale aagnoo. 1876 isch er Brofässer für Mineralogii an dr Sorbonne worde und denn 1884 für Organischi Chemii.

Vo 1889 aa isch er Bresidänt von ere Kommission zur Reform vo dr Nomenklatur vo organische Verbindige gsi.

Dr Friedel isch mit dr Emilie Koechlin (1837–1871) verhürootet gsi[1]. Si häi e Soon gha, dr Schorsch (1865–1933), wo Mineralog und Kristallograf worde isch.

Läistige[ändere | Quälltäxt bearbeite]

  • 1857–1866 Strukturklärig vo de Ketone. (Dissertazion)
  • Entdeckig vo de sekundäre und terziäre Alkohol, parallel zum Aleksandr Michajlowitsch Butlerow
  • 1863–1870 Aarbäite zur chemische Wärtigkäit und Atommasse vom Silicium. In de Joor druf d Herstellig vo suurstofffreie Siliciumverbindige.
  • 1872 Glycerinsünthese mit Isopropylalkohol as Usgangsstoff
  • 1877 häi dr Friedel und dr Crafts die katalütischi Wirkig vo anorganische Halogenverbindige zur Härstellig vo alkylierte und acetylierten Aromat (Friedel-Crafts-Reakzion) entdeggt.
  • Strukturufklärig vo dr Milchsüüri und vom Pinakon (Pinakolon)
  • Erstbeschriibige vo de Mineral Wurtzit (1861), Adamin (1866) und Delafossit (1873)[2]

Fuessnoote[ändere | Quälltäxt bearbeite]

  1. Genealogie
  2. archive.org - Full text of "A dictionary of the names of minerals including their history and etymology" (änglisch)

Litratuur[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Charles_Friedel“ vu de dütsche Wikipedia. E Liste vu de Autore un Versione isch do z finde.