Centre commercial Porte Jeune

Us der alemannische Wikipedia, der freie Dialäkt-Enzyklopedy
S’ Iikàuifszäntrum Porte Jeune àm Füass vum Öiropàturm.
Dialäkt: Mìlhüüserisch
Dr Wäschtiigàng vu Porte Jeune.

S’ Centre commercial Porte Jeune LL-Q150 (fra)-Mathieu Kappler-Centre commercial Porte Jeune.wav [pɔʁt ʒœn] (ìm Àlltàg sajt maa-n-aifàch „Porte Jeune“ odd’r kurz „PJ“)[1] ìsch a Iikàuifszäntrum ìm Jung-Tor-Viartel z’ Mìlhüüsa. ’S lììgt àm Füass vum Öiropàturm àn dr Dentschaschtrooss. ’S zeehlt äbb 30 Gschafter un ziag jeedsjoohr mehr àss 4 Millioona Kunda àà.

wu ’s ìsch[ändere | Quälltäxt bearbeite]

S’ Iikäufszäntrum Porte Jeune befìndet sìch ìm Jung-Tor-Viartel ìm Süüda vum Schtàdtbezirk Europe – Näijer Bäcka, grààd àn dr Grànz vum Mìlhüüser Schtàdtzäntrum. ’S lììgt àm Dentschaschtrooss 1, àm Füass vum Öiropàturm, em heechschta Hoochhüüs vu Mìlhüüsa. Grààd vorna àm Iigàng vum Zäntrum ìsch d’ Tràmschtàzioon Porte Jeune, wu àlla dräi Linia vum Mìlhüüser Tràm so wia dr Tràm-Train fàhra. Uff dr àndra Sitta vu dr Schtàzioon fàngt d’ Wìldamànnsgass ìm Schtàdtzäntrum àà.

Grààd hìnter àm Porte Jeune, àm Ààfàng vu dr Rue de Metz, lììgt dr ehamààliga Iikàuifszäntrum Centre Europe.

Gschìcht[ändere | Quälltäxt bearbeite]

Àn dr Schtälla vum Porte Jeune ìsch sallamols a groossa Täkschtilfàwrìk vu dr Kompànii Schlumberger gsìì. Ànna 1955 ìsch d’ Fàwrìk vu dr Schtàdt Mìlhüüsa ìwwernumma worra, un ìn da Joohra 1960 ìsch sa àbgrìssa worra. Doo hàt ma dr Öiropàturm un dr Place de l’Europe bàuia. Dr Plàtz hàt ma ànna 2007 àbgrìssa, fìrs Iikàuifszäntrum Porte Jeune bàuia.

Mìt’m Bàui vum Iikàuifszäntrum Porte Jeune ìsch s’ Mìlhüüser Schtàdtzäntrum wììder àttràktiv worra.[2][3][4][5] Naamlig sìnn ìm Mìlhüüser Schtàdtrànd dräimol so vììl Gschafter gsìì àls ìm Schtàdtzäntrum.[2] Mìt’m näija-n-Iikàuifszäntrum hàt ma-n-àui nàdììrlig dr Place de l’Europe wälla ärsätza, dänn’r hàt kää Ärfolg ghàà un ìsch oft mänschalaar gsìì.[5]

Schun ìm Joohr 2003 ìsch fìrs Iikàuifszäntrum dr frànzeescha Bàuitrààger Altarea Cogedim gwählt worra.[6] Fìr d’ Bàuiplànzaichnung hàt maa-n-a Wättbewarb orgànisiart, wu 32 Kàndidààta mìtgmàcht hann. S’ Wättbewarb hàt dr Pàriiser Àrkitäcktbüroo Reichen & Robert gwunna.[3] Dr Grundschtai ìsch ìm Septamber 2007 gsätzt worra.[5] Dr Bàui vum Zäntrum hàt äbb 44 Millioona Euro koschta[2][7] —65 % vu dr Koschta hàt d’ Altarea bezàhlt, s’ Raschtla hàt d’ frànzeescha Depositakàssa ìwwernumma.[5]

S’ Iikàuifszäntrum Porte Jeune ìsch àm 15. Oktoower 2008 gäffnet worra. Maa hàt a jaahrliger Umsàtz vu 70 Millioona Euro ärwàrtet.[2] Ìn da äärschta zehn Joohra hàt àwwer s’ Iikàuifszäntrum kää voller Ärfolg ghàà: 12 odd’r 13 vu da 47 Gschaftsschtälla sìnn laar blìewa —dàs ìsch a Flächa vun äbb 3.500 Kwàdràtmeeter, wo nìt benutzt worra-n-ìsch.[8][1] Ìm Nowamber 2018 ìsch s’ Zäntrum vu dr Société des Grands Magasins (SGM) üss Lyon ìwwernumma worra.[9][8]

s’ Gebäi un d’ Iirìchtunga[ändere | Quälltäxt bearbeite]

S’ Gebäi vum Iikàuifszäntrum Porte Jeune hàt dr frànzeescha Bàuiplànzaichner Bernard Reichen vum Pàriiser Àrkitäcktbüroo Reichen et Robert zaichent.[10] Doo drbii hàt àui dr Schtroossburjer Àrkitäcktbüroo TOA Architectes Associés mìtgmàcht.[3] S’ Gebäi hàt d’ Form vu’ma Wìnkel un ìsch wia dr Sockel vum Öiropàturm. S’ hàt a fütürìschta, tìrkischroota un griana Fàssàda —s’ Root ärìnnert àns Mìlhüüser Täkschtil.[2]

S’ Iikàuifszäntrum hàt zwai Schtäck[2][1] fìr a Gsàmtflächa vun 18.820 Kwàdràtmeeter. Ìm Kallergschoss ìsch a groosser Pàrkplàtz mìt äbb 1.400 Schtällplatz, wo vu dr Gsällschàft Indigo bewìrtschàftet wìrd. Dr Iifàhrt vum Pàrkplàtz lììgt àm Ààfàng vu dr Rue d’Anvers.[11][12][13] Naawa-n-em Pàrkplàtz ìsch a koschtapflìchtiger Fàhrràdàbschtällplàtz —dàs ìsch dr äärscht Cyclopark z’ Mìlhüüsa gsìì.[14]

Üsserdam ìsch ìm Iikàuifszäntrum a Kabinä, wo fräi züaganglig ìsch.[15]

Gschafter[ändere | Quälltäxt bearbeite]

Ìm Zäntrum Porte Jeune kààt maa vor àllem Klaider, Üssrìschtung un Verziarunga kàuifa,[16] wia zem Baischpìel biim Nike Factory Store, Primark,[17] New Yorker, Nature et Découvertes, Søstrene Grene un Monoprix.[1][18] Vorhar ìsch àui a Gschaft vu dr nàzionààla Büachgmainschàft France Loisirs gsìì.[19] Ìm Iikàuifszäntrum kààt maa-n-àui assa, wia zem Baischpìel bii dr lokààla Bäckaräijakätta Poulaillon[20] odd’r biim Fast-Food-Gàschthüüs KFC.[21] Ànna 2014 hàt maa-n-ìm Iikàuifszäntrum a Schportshàlla gäffnet.[22]

S’ Iikàuifszäntrum hàt a jaahrliger Umsàtz vun äbb 33 Millioona Euro.

Kundschàft[ändere | Quälltäxt bearbeite]

Jeedsjoohr kumma-n-äbb 4,4 Millioona Litt uff Porte Jeune. D’ Kunda kumma hàuiptsachlig vu dr Mìlhüüsergejend, àwwer ’s sìnn àui Kunda-n-üss Diitschlànd, bsunders àn da Wuchanander un àn da diitscha Fiirtiga.[1]

Weblìnks[ändere | Quälltäxt bearbeite]

 Commons: Centre commercial Porte Jeune – Sammlig vo Multimediadateie

Ainzelnoohwiisa[ändere | Quälltäxt bearbeite]

  1. 1,0 1,1 1,2 1,3 1,4 Marc-Antoine Vallori: Porte Jeune : 10 ans déjà ! In: M+ info. 10. Oktober 2018, archiviert vom Original am 20. September 2020; abgruefen am 1. Mai 2022 (französisch).
  2. 2,0 2,1 2,2 2,3 2,4 2,5 AFP: Altaréa ouvre le centre commercial Porte Jeune au coeur de Mulhouse. In: Fashion Network. Archiviert vom Original am 17. August 2019; abgruefen am 1. Mai 2022 (französisch).
  3. 3,0 3,1 3,2 Mulhouse se greffe un nouveau coeur commercial au centre-ville. In: Les Échos. 26. Dezember 2003, abgruefen am 1. Mai 2022 (französisch).
  4. Gilles Davoine, Laurent Miguet: Revitalisation urbaine : les centres commerciaux de retour en ville. In: Le Moniteur. 14. November 2008, abgruefen am 1. Mai 2022 (französisch).
  5. 5,0 5,1 5,2 5,3 Porte Jeune. Mulhouse prépare son offensive commerciale. In: Le Télégramme. 5. Oktober 2007, abgruefen am 1. Mai 2022 (französisch).
  6. Altéra Cogedim, Altaréa: Alsace : Mulhouse choisit Altarea pour son centre. In: LSA Conso. 20. Februar 2003, abgruefen am 1. Mai 2022 (französisch).
  7. Requalification urbaine et architecturale centre commercial Porte Jeune à Mulhouse. Werey Stenger, archiviert vom Original am 12. April 2021; abgruefen am 1. Mai 2022 (französisch).
  8. 8,0 8,1 Pierre-Alain: Centre Porte Jeune Mulhouse : « Réécrire l’histoire ». In: Le Périscope. Nr. 41, August 2019, S. 1 (französisch, archive.org [PDF; abgerufen am 1. Mai 2022]).
  9. Laurent Gentilhomme: Commerces mulhousiens : Le centre Porte Jeune a été revendu ! In: L’Alsace. 6. Februar 2019, archiviert vom Original am 30. November 2021; abgruefen am 1. Mai 2022 (französisch).
  10. Porte Jeune. Reichen & Robert, archiviert vom Original am 2. August 2018; abgruefen am 1. Mai 2022 (französisch).
  11. Parking Porte Jeune Indigo Park Service. In: Le Petit Futé. Archiviert vom Original am 17. August 2019; abgruefen am 1. Mai 2022 (französisch).
  12. Parking Porte-Jeune - Mulhouse. In: Journal des Sorties. Archiviert vom Original am 22. April 2021; abgruefen am 1. Mai 2022 (französisch).
  13. Parking Porte Jeune 68100 Mulhouse. Park Indigo, abgruefen am 1. Mai 2022 (französisch).
  14. Laurent Gentilhomme: Cyclopark : Mulhouse met du braquet. In: L’Alsace. 3. Dezember 2021, abgruefen am 1. Mai 2022 (französisch).
  15. Isabelle Laine, Hélène Poizat: Diaporama – Tournée des toilettes publiques de Mulhouse: le bilan. In: L’Alsace. 19. November 2021, archiviert vom Original am 19. November 2021; abgruefen am 1. Mai 2022 (französisch). Lüag Bìlder 6 un 7.
  16. Coralie Donas: S'installer à Mulhouse et ses environs. 2. Auflage. Héliopoles, 2020, ISBN 978-2-37985-013-4 (französisch): “Centre commercial dans le centre-ville Situé au cœur de Mulhouse, le centre commercial de la Porte Jeune héberge une vingtaine d'enseignes d'habillement, de décoration, d'équipement, ainsi que des enseignes alimentaires.”
  17. D.B.: Primark va s’installer à Mulhouse. In: L’Alsace. Archiviert vom Original am 1. Dezember 2021; abgruefen am 1. Mai 2022 (französisch).
  18. Laurent Gentilhomme: Porte Jeune, à Mulhouse : « 2022 sera une année charnière ». In: L’Alsace. 5. Dezember 2021, archiviert vom Original am 16. Dezember 2022; abgruefen am 1. Mai 2022 (französisch).
  19. Capucine Cardot: France Loisirs ferme définitivement ses portes à Mulhouse. In: L’Alsace. Archiviert vom Original am 14. Dezember 2021; abgruefen am 1. Mai 2022 (französisch).
  20. Laurent Gentilhomme: Centre Porte Jeune : « On va relever les rideaux ». In: L’Alsace. 25. April 2019, archiviert vom Original am 18. Januar 2021; abgruefen am 1. Mai 2022 (französisch).
  21. François Fuchs: Mulhouse : KFC va s’implanter au centre Porte Jeune. In: L’Alsace. 2. Februar 2022, archiviert vom Original am 22. März 2022; abgruefen am 1. Mai 2022 (französisch).
  22. Emmanuel Delahaye: Commerce : À la Porte Jeune, du nouveau. In: L’Alsace. 20. November 2014, archiviert vom Original am 13. April 2015; abgruefen am 1. Mai 2022 (französisch).

Koordinate: 47° 45′ 1″ N, 7° 20′ 24,1″ O