Carolina Trautner

d Carolina Trautner (2017)

D Carolina Trautner (* 25. Mai 1961 z Augschburg) isch e dytschi Bolitikeri (CSU). Syt Oktober 2013 isch si Mitgliid vum Bayerische Landdaag. Vu Februar 2020 bis Februar 2022 isch si Bayerischi Staatsminischteri fir Familie, Arbet un Sozials gsii.

Lääbe

D Trautner het anne 1980 s Abitur am Stetten-Inschtitut gmacht. No dr Schuel het si Pharmazy an dr Uniwersitet Würzburg studiert un derno bis 2013 as aagstellti Apothekeri gschafft.

Vu 1999 bis 2013 isch si Vorsitzeri vum CSU-Ortsverband Staberga gsii. Seit 1999 ist si Vorstandsmitgliid vu dr Frauen-Union Staberga. Anne 2001 isch si in Vorstand vum CSU-Kraisverband Augschburg gwehlt wore. Vu 2005 bis 2015 isch si stellverdrättendi CSU-Kraisvorsitzeri gsii, voreb si am 9. Mai 2015 z Nordendorf mit rund 91 Brozänt vu dr Stimme zur CSU-Kraisvorsitzeri gwehlt woren isch.

Bi dr Kommunalwahl 2002 isch si in Kraisdag vum Landkrais Augschburg un in Määrtgmairoot vu Staberga yyzoge, wu si zur stellverdrättende Fraktionsvorsitzeri gwehlt woren isch.

Noch em Verzicht vum Max Strehle uf e nomoligi Kandidatur fir dr Landdaag isch d Trautner im Oktober 2012 mit 68 vu 109 Delegiertestimme zue däm syre Noofolgeri as Diräktkandidati im Stimmkrais Augschburg-Land-Sid bi dr Landdaagswahl 2013 gwehlt wore. Bi dr Wahl am 15. Septämber 2013 het si s Diräöktmandat gwunne un isch dodermit in Landdaag yyzoge.

Vum 21. Merz bis zum 12. Novämber 2018 isch d Trautner Staatssekreteeri im Bayerische Staatsminischterium fir Unterricht un Kultus gsii un vum no vum 12. Novämber 2018 bis 6. Februar 2020 Staatssekreteeri im Bayerische Staatsminischterium fir Familie, Arbet un Sozials. Ab em 6. Februar 2020 isch si Bayerischi Staatsminischteri fir Familie, Arbet un Sozials gsii. Am 23. Februar 2022 isch si in däm Amt vu dr Ulrike Scharf abglest wore.

D Trautner isch evangelisch, ghyroote un het zwai großi Chinder.

Weblink

• Websyte vu dr Carolina Trautner
• Carolina Trautner – Lääbeslauf bim Bayerischi Staatsminischteri fir Familie, Arbet un Sozials
• Biografi bim Bayerische Landtag

Fueßnote

Dä Artikel basiert uff ere fräie Übersetzig vu dere Version vum Artikel „Carolina_Trautner“ vu de dütsche Wikipedia. E Liste vu de Autore un Versione isch do z finde.