Keisarija

Us der alemannische Wikipedia, der freie Dialäkt-Enzyklopedy


Keisarija (Caesarea)
Keisarija vo dr Luft us
Keisarija vo dr Luft us
Basisdate
hebräisch: קֵיסָרְיָה
arabisch: قيسارية
Staat: Israel Israel
Bezirk: Haifa
Koordinate: 32° 30′ N, 34° 55′ OKoordinate: 32° 30′ 8″ N, 34° 54′ 30″ O
 
Iiwohner: 4.500 (2007)
Keisarija (Caesarea) (Israel)
Keisarija (Caesarea) (Israel)
Keisarija (Caesarea)
Keisarija (Caesarea)
Keisarija (Caesarea)

Keisarija oder Caesarea (hebräisch ‏קֵיסָרְיָהKeisarija; arabisch قيسارية‎ Qaysaria; altgriechΚαισάρεια, Kaisáreia) isch e Stadt in Israel. Si lit am Middelmeer in dr Middi zwüsche Tel Aviv und Haifa und nördlig vo dr antike Stadt Caesarea Maritima.

Si het öbbe 4500 Iiwohner[1] und wird as dr äinzig Ort in Israel von ere brivaate Organisazioon, dr Caesarea Development Corporation verwaltet.[2]

Die ersti jüüdischi Siidlig im Gebiet vo Caesarea isch s Kibbuz Sdot Jam gsi, wo 1940 gründet worde isch.

Noch dr Gründig vom Staat Israel im Joor 1948 isch e modärni Stadt entstande. E Hufe vo de Iiwooner vom Ort, wo us nooble Willeviertel bestoot, ghööre zur oobere Bevölkerigsschicht; do het z. B. dr früener israelisch Staatsbresidänt Ezer Weizmann e Huus ghaa. In dr Nööchi vo dr Stadt isch e Golfblatz, wo lang dr äinzig in Israel gsi isch. S antike Theater vo Caesarea isch widerufbaut worde und wird hüte für Muusig- und Theateruffüerige vor dr Kulisse vom Middelmeer brucht.

Fuessnoote[ändere | Quälltäxt bearbeite]

  1. Table 3 – Population of Localities Numbering Above 1,000 Residents and Other Rural Population. Israel Central Bureau of Statistics. 30. Juni 2008. Abgrüeft am 22. November 2008.
  2. About the CDC Archivlink (Memento vom 8. Juli 2011 im Internet Archive)
Dä Artikel basiert uff ere fräie Übersetzig vum Artikel „Caesarea“ vu de dütsche Wikipedia. E Liste vu de Autore un Versione isch do z finde.