Burg Wildestei

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Burg Wildestei
D Burg vom Bandfelse us gseh

D Burg vom Bandfelse us gseh

Entstehigsziit: um 1200 bis 1300
Burgetyp: Spornburg
Erhaltigszuestand: Erhalte oder in wäsentlige Deil erhalte
Ständischi Stellig: Freiadligi, Grafe (1538), Fürste (1667)
Bauwiis: Buggelquader, Chliiquader
Ort: Leibertinge
Geografischi Lag 48° 3′ 20″ N, 9° 0′ 2,5″ O48.0555555555569.0006944444444810Koordinaten: 48° 3′ 20″ N, 9° 0′ 2,5″ O
Höchi: 810 m
Burg Wildestei (Baden-Württemberg)
Burg Wildestei

D Burg Wildestei lit dört, wo d Donau dur die Schwäbischi Alb fliesst. Si ghört zur Gmeind Leibertinge im Landkreis Sigmeringe. Ihri hütigi Form, bsundrigs die vo der Ussenalag, isch praktisch gliich bliibe sit dr erste Helfti vom 16. Johrhundert, wo si under em Gottfried Werner vo Zimmere zun ere früehneuziitlige Festig umbaut worden isch. D Hauptburg und d Vorburg stöhn beidi uf künstlig abgschroffte Felse und me cha se nume über Brugge erreiche. Dr Halsgrabe, dr künstlig Grabe wo d Burgalag vo dr Umgäbig abschniidet, isch 20 Meter breit und ursprünglig 20 Meter dief gsi. Er het, wie dr berüehmti Stich vom Matthäus Merian em Eltere zeigt, scho in der Vergangeheit d Bsuecher vo der Burg sehr beiidruggt. Im Innere het d Burg grossflechigi Renaissance-Wandmolereie vo öbbe 1538 bis 1540 mit Blueme- und Vogelmotiv, und e Bilderzyklus vo dr Sigenotsag.

Blick vom Donaudal us

Lag[ändere | Quälltäxt bearbeite]

D Alag, wo zu de bekannteste Burge vo Dütschland zählt und sehr guet erhalten isch, cha me vo wiitem uf eme steile Felse öbbe 200 Meter über dr Donau gseh, e baar Kilometer flussabwärts vo Beuron. D Spornburg selber befindet sich uf ere Höchi vo 810 m ü.M, d Donau an däm Ort uf 608 Meter.

Information icon.svg Dä Artikel basiert uff ere fräie Übersetzig vum Artikel „Burg_Wildenstein_(Leibertingen)“ vu de dütsche Wikipedia.

E Liste vu de Autore un Versione isch do z finde.