Bundesstrofgricht
| Bundesstrafgericht BStGer | |
|---|---|
| |
| Hauptsitz | Bellinzona, Kanton Tessin |
| Vorsteher | Sylvia Frei |
| Stellvertreter | Stephan Blättler |
| Zahl vo de Mitarbeiter | 65 Lyt, dodervu 18 Richter*ne |
| Website | www.bstger.ch |
S Bundesstrofgricht (dt. Bundesstrafgericht, abgschirzt BStGer; franzöösisch Tribunal pénal fédéral, abgchirzt TPF; italienisch Tribunale penale federale, abgchirzt TPF; rätoromanisch Tribunal penal federal, abgchirzt TPF) isch e aidgnessisch Gricht mit Sitz z Bellinzona. S isch gschaffe wore, wu s Strofprozässrächt vu dr Jkanten un dr Aidgnosseschaft verainhatligt wore isch,[1] un het d Arbet aafangs 2004 ufgnuu.
Rächtligi Grundlag
[ändere | Quälltäxt bearbeite]Artikel 191a Absatz 1 vu dr Bundesverfassig[2] bstimmt: «Der Bund bestellt ein Strafgericht; dieses beurteilt erstinstanzlich Straffälle, die das Gesetz der Gerichtsbarkeit des Bundes zuweist. Das Gesetz kann weitere Zuständigkeiten des Bundesstrafgerichts begründen.»
S Bundesgesetz über die Organisation der Strafbehörden des Bundes[3] reglet Stellig, Organisation un Zueständigkait vum Bundesstrofgricht un s aawändbar Verfahresrächt.
S Bundesstrofgricht het in sym Organisationsreglement[4] au d Grichtsorganisation un -verwaltig greglet.
Zueständigkait
[ändere | Quälltäxt bearbeite]S Bundesstrofgricht urdailt in dr erschte Inschtanz dur sy Strofchammere iber sälli Strofsache, wu s Gsetz in dr Grichtsbarkait vu dr Aidgnosseschaft unterstellt; primär die in Artikel 23 un 24 vu dr Schwyzerische Strofprozässornig[5] ufglischtete Delikt. Derzue chunnt s Urdaile iber anderi Strof- un Verwaltígsstroftatbständ, wu s Bundesstrofgricht no andere Bundesgsetz derfir zueständig isch.
S Bundesstrofgricht urdailt in Bundesstrofverfahre au dur sy Bschwärdechammere Bschwärde gege Verfahreshandlige vu dr Bolizei,[6] vu dr Bundesaawaltschaft, gege Entschaid vu dr aigene Strofchammere un vum Zwangsmaßnahmegricht. Derzue het d Bschwärdechammere noch em Gsetz au no verschideni anderi Zueständigkaite. Dodrunter stäche vu dr Zahl här un au vu dr materiälle Wichtigkait här, d Bschwärde im Beraich vu dr internationale Rächtshilf in Strofsache (mitsamt Uusliferigsgsuech) firi.[7]
D Beruefigschammere (gschaffe 2017, im Amt syt 2019) entschaidet in zwooter Inschtanz iber Beruefige gege Urdail vu dr Strofchmmere un au iber Reviosnsgsuech gege verschideni anderi rächtschreftigi Urdail.[8]
Organisation un Greßi
[ändere | Quälltäxt bearbeite]No Artikel 32 ff. StBOG setzt si s Bundesstrofgricht us dr Strofchammere, dr Bschwärdechammere, dr Beruefigschammere un em Generalsekretariat un syne Dienscht zäme. S Gricht het die gsetzli vorgsähne Laitigsorgan: s Bresidium, s Gsamtgricht un d Verwaltigskummission.
Am Bundesstrofgricht hän im Jänner 2013 rund 70 Lyt gschafft, dodervu 18 Richter*ne.[9]
Grichtsgebei
[ändere | Quälltäxt bearbeite]
Wu mit dr Juschtizreform 2000 s Bundesstrofgricht un s Bundesverwaltigsgricht as neii Inschtitutione gschaffe wore sin, isch anne 2008 e Projäktwettbewärb in zwoo Stapfle entschide wore, wu d Biro Bearth un Deplazes in Zämenarbet mit Durisch un Nolli gwunne hän.[10] S hitig Ensemble vum Bundesstrofgricht bstoht us zwee Altböu, em ehmolige Pretorium, wu 1895 vum Ferdinando Bernasconi blant woren isch, un dr ehmolige Handelsschuel, 1895 vum Emilio Donati blant, un eme Neiböu us wyssem Ortbeton.[11]
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ Unterwegs zur Vereinheitlichung des Strafprozessrechts. Bundesamt für Justiz, 15. März 2001, abgruefen am 8. Januar 2014.
- ↑ Art. 191a Absatz 1 der Bundesverfassung der Schweizerischen Eidgenossenschaft vom 18. April 1999 (BV, SR 101)
- ↑ Art. 32 bis Art. 52 vum Bundesgesetz über die Organisation der Strafbehörden des Bundes vom 19. März 2010 (Strafbehördenorganisationsgesetz, StBOG; SR 173.71; Stand 1. Jänner 2021)
- ↑ Organisationsreglement für das Bundesstrafgericht vom 31. August 2010 (Organisationsreglement BStGer, BStGerOR; SR 173.713.161)
- ↑ Art. 23, 24 Schweizerische Strafprozessordnung vum 5. Oktober 2007 (StPO; SR 312.0)
- ↑ Art. 5 vum Bundesgesetz über die Organisation der Strafbehörden des Bundes vom 19. März 2010 (Strafbehördenorganisationsgesetz, StBOG; SR 173.71; Stand 1. Jänner 2021)
- ↑ Art. 37 vum Bundesgesetz über die Organisation der Strafbehörden des Bundes vum 19. Merz 2010 (Strafbehördenorganisationsgesetz, StBOG; SR 173.71; Stand 1. Jänner 2021)
- ↑ Art.38a vum Bundesgesetz über die Organisation der Strafbehörden des Bundes vum 19. März 2010 (Strafbehördenorganisationsgesetz, StBOG; SR 173.71; Stand 1. Jänner 2021)
- ↑ Bundesstrafgericht: Infoblatt (PDF; 61 kB)
- ↑ af: Bundesstrafgericht in Bellinzona. In: Tec21. Band 134, Nr. 20, 2008, S. 6 f. (online).
- ↑ Roman Hollenstein: In Beton gefasster Klassizismus. Das neue Bundesstrafgericht in Bellinzona. In: Neue Zürcher Zeitung. 7. November 2013, abgruefen am 5. März 2014.
Koordinate: 46° 11′ 23″ N, 9° 1′ 14″ O; CH1903: 722124 / 116593
|
Dä Artikel basiert uff ere fräie Übersetzig vu dere Version vum Artikel „Bundesstrafgericht“ vu de dütsche Wikipedia. E Liste vu de Autore un Versione isch do z finde. |