Buechfink

Buechfink
Buechfink (Fringilla coelebs) Gsangⓘ
Systematik
Ordnig: Spatzevögel (Passeriformes) Underordnig: Singvögel (Passeri) Familie: Finke (Fringillidae) Underfamilie: Edelfinke (Fringillinae) Gattig: Edelfinke (Fringilla) Art: Buechfink
Wüsseschaftlige Name
Fringilla coelebs
Linnaeus, 1758

Aili vom Buechfink

De Buechfink oder hüüffig au nume Fink (Fringilla coelebs; alemanischi Näme) ghört zo de hüüffigste Singvögel vo Mitteleuropa. Wääred d Wiibli abem Oktoober as Mittelmeer flüüget und im März wider zruggcheeret, bliibet d Mandli im Winter im Bruetpiet. I de Alpe chömet Buechfinke bis 2'700 m ü. M. vor.

Uussie

De Buechfink isch e bunte Vogel. Bi de Mandli isch d Obersiite graubruu und de Börzel goot is Grüeliche ine. Si hend e roote Chopf, d Chappe und s Gniigg sind blau. De Buuch isch röötsch und d Flögel schwarz-wiiss. Wiibli sind obe graubruu und une liecht beesch. Buechfinke wered 14 bis 16 cm grooss, hend e Spannwiiti vo 25 bis 28 cm und wöget 19 bis 24 Gramm.

Lebeswiis

De Buechfink lebt i Wälder, Pärk, Gärte und au i Sidlige und fresst Insekte, Spine und Söömli. Er baut sis Nest us Mies und Flechte i Astgable. Abem März fönd d Mandli aa singe, de Gsang vom Buechfink isch typisch und guet z erchene.

Büecher

• Einhard Bezzel: Vögel. BLV Verlagsgesellschaft, München 1996, ISBN 3-405-14736-0
• Collin Harrison und Peter Castell: Jungvögel, Eier und Nester der Vögel Europas, Nordafrikas und des Mittleren Ostens. Aula Verlag, Wiebelsheim 2004, ISBN 3-89104-685-5
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
• Heinz Staffelbach: Handbuch Schweizer Alpen; Bern 2008.ISBN 978-3-258-06895-4

Weblink

 Commons: Buechfink – Sammlig vo Multimediadateie

• Fringilla coelebs in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 18. Dezember 2008
• Video, Foto und Tonufnahme zue Fringilla coelebs in dr Internet Bird Collection
• Javier Blasco Zumeta & Gerd-Michael Heinze: Alters- und Gschlechtsmerkmol (PDF; 3,24 MB)
• Federe vom Buechfink
• Gsang bi www.vogelstimmen-wehr.de