Britisch-Kolumbia

Britisch-Kolumbia
British Columbia
Colombie-Britannique

Wàppa	Fààhna
Wààhlschpruch: Splendor sine occasu (làt.) „Pràcht ohna Iischränkung“
Lage
Karte
Bààsisdààta
Àmtsschprooch	Anglisch
Hàuiptschtàdt	Victoria
Greeschta Schtàdt	Vancouver
Flächa	920.686 km² (4.)
Iiwoohner (2021)	5.000.879 (3.)
Beväälkerungsdìchta	5,4 Ew./km²
BIP ìn CAD (2006)	Gsàmt: 179,701 Mrd. (4.) Pro Kopf: 41.689 (7.)
Zittzoona	UTC −7 bis −8
ISO 3166-2	CA-BC
Àbkirzung fìr d’ Poscht	BC
Websitta	www.gov.bc.ca
Politik
Biitrìtt ìn d’ Konfederàzioon	20. Jüüli 1871
Vìzagouverneur	Janet Austin
Premierminìschter	David Eby (NDP)
Sìtza-n-ìm Unterhüüs	42
Sìtza-n-ìm Senààt	6

Dialäkt: Mìlhüüserdiitsch

Britisch-Kolumbia (kurz àui BC gnännt; anglisch British Columbia [ˈbɹɪtɪʃ kəˈlʌmbiə], frànzeesch Colombie-Britannique [kɔlɔ̃bi bʁitanik]) ìsch a kànààdischa Prowìnz àn dr Kìschta vum Pàzifisch Ozeàn. Dr Nàmma vu dr Prowìnz schtàmmt vum Fluss Columbia. Ìm Nordwäschta granzt Britisch-Kolumbia àn dr US-Bundesschtààt Alaska, ìm Norda àn d’ kànààdischa Gebiater Yukon un d’ Nordwäscht-Territoria, ìm Oschta àn d’ Prowìnz Alberta un ìm Süüda àn d’ US-Bundesschtààta Washington, Idaho un Montana. D’ Hàuiptschtàdt ìsch Victoria.

D’ Prowìnz Britisch-Kolumbia hàt a Flächa vu 920.685 km². Sa ìsch domìt noh Nunavut, Québec so wia d’ Nordwäscht-Territoria dr viartgreeschta Làndestail. Bii dr Volkszäählung vu 2021 hàt d’ Prowìnz 5.000.879 ghàà — dàs ìsch 13,52 % vu dr Beväälkerung vum Kànàdà —, mìt’ra Beväälkerungsdìchta vu 5,4 Iiwoohner pro km². S’ greeschta Tail vu dr Beväälkerung laabt ìm Süüdwäschta vu dr Prowìnz. D’ greeschta Schtàdt un wìrtschàftlig Zäntrum vu dr Prowìnz ìsch Vancouver. Ìn da Lower Mainlands un dr Süüdoschtschpìtza vu dr Vancouver Island ìsch àui d’ Beväälkerungsdìchta ziamlig hooch. Ìm Rascht vu dr Prowìnz sìnn numma weeniga Iiwoohner z’ fìnda, dänn’s gìtt doo vììla Gebìrgskätta.

D’ äärschta Litt hann sìch ìn dr hìttiga Prowìnz vor 13.000 Joohra nììdergloo. Noch hìtt laawa ìn Britisch-Kolumbia mehrera Ìndiàànerväälker, wo ìn zààhlriicha Gruppa untertailt sìnn: Ìm Süüda vu dr Prowìnz sìnn d’ Kìschta- un Bìnna-Salish, d’ Kwakwaka'wakw un d’ Nuu-chah-nulth, witter ìm Norda sìnn d’ Haida, d’ Tlingit, d’ Tsimshian un d’ Gitxsan àn dr Kìschta, un ìm neerdliga Hìnterlànd sìnn d’ Tagish, d’ Süüdliga Tutchone un d’ Tahltan. Ìm Süüdoschta gìtt’s noch d’ Kutenai, wo-n-a aigana Schproochgruppa bìlda. D’ Regiarung unterschaidet äbba 200 Schtamm, mìt ìnsgsàmt äbba 130.000 Ìndiààner. D’ greeschta Mehrhait vu dr Beväälkerung schtàmmt jedoch vun Öiropà. Üsserdam laawa-n-ìm Süüdwäschta rund a hàlba Millioon Kineesa.

Wu d’ Öiropäer àm And vum 18. Joohrhundert ìn Britisch-Kolumbia kumma sìnn, hann sa ìhra Krànkhaita mìtgbrocht — vor àllem Pocka —, wo vììla Üriiwoohner geteedet hann. Sa hann vor àllem Hàndel mìt Pälza gmàcht. Üsserdam sìnn gwàltiga Konflikta zwìscha da Rüssa, da Àmerikààner, da Schpààniar un da Briita gsìì. Ànna 1843 hann d’ Briita d’ Prowìnzhàuiptschtàdt Victoria grìnda. D’ Schtàdt ìsch z’äärscht a Fort vu dr Hudson’s Bay Company gsìì, wo vu 1821 bis 1871 d’ wìchtìgschta Hàndelsgsällschàft ìm Wäschta gsìì ìsch. Ànna 1871 hàt sìch d’ Prowìnz zem Kànàdà-n-ààgschlossa — d’ Konfederàzioon ìsch viar Joohra z’vor grìnda worra. Uff’m Gebiat vu dr Prowìnz hàt maa schpeeter Guld gfunda; dàs hàt zwìscha 1858 un 1898 zààhlriicha-n-Iiwàndrer ààgezooga. Dànk dr Iisabàhnverbìndung vu dr Pàzifik- bis àn d’ Àtlantikkìschta ìsch Vancouver a wìchtiga Wìrtschàftsmetropoola worra. Àm Ààfàng ìsch d’ Wìrtschàft vu dr Prowìnz schtàrk uff d’ Üssböitung vu da nàdììrliga Rohschtoffa üssgrìchta gsìì, àwwer zitter a pààr Joohrzehnta düan sìch verschììdana Wìrtschàftszwiig äntwìckla.

Lìteràtüür

uff Anglisch

• J. Lewis Robinson: British Columbia. In: The Canadian Encyclopedia. 18. November 2010 (kanadisches Englisch, thecanadianencyclopedia.ca [abgerufen am 22. Oktober 2023]). 
• Joseph Collins Lawrence, Robert A. J. McDonald, Hugh James Johnston: British Columbia. In: Encyclopædia Britannica. Encyclopædia Britannica, Inc. (britisches Englisch, britannica.com [abgerufen am 22. Oktober 2023]). 
• British Columbia. In: Encyclopedia of the Nations. (englisch, nationsencyclopedia.com [abgerufen am 22. Oktober 2023]). 
• Jean Barman: The West beyond the West – A History of British Columbia. University of Toronto Press, Toronto 2007, ISBN 0-8020-9495-3 (kanadisches Englisch, 539 S., Iigschränkti Vorschau uf books.google.de). 
• Daniel Francis: The Encyclopedia of British Columbia. Harbour Publishing, Pender Harbour 2000, ISBN 1-55017-200-X (kanadisches Englisch, 806 S., Iigschränkti Vorschau uf books.google.de). 
• Isabel Nanton: Discover Canada. British Columbia. Grolier, Toronto 1994, OCLC 1028854236 (kanadisches Englisch, 144 S., Iigschränkti Vorschau uf books.google.de). 
• Brett. J. Palana: British Columbia. Lucent Books, San Diego 2003, ISBN 978-1-59018-046-4 (kanadisches Englisch, 112 S., Iigschränkti Vorschau uf books.google.de). 

uff Frànzeesch

• J. Lewis Robinson: Colombie-Britannique. In: L’Encyclopédie canadienne. 18. November 2010 (französisch, thecanadianencyclopedia.ca [abgerufen am 22. Oktober 2023]). 
• Colombie-Britannique. In: Encyclopédie Larousse. Larousse (französisch, larousse.fr [abgerufen am 22. Oktober 2023]). 
• Province de Colombie-Britannique. In: Encyclopædia Universalis. (französisch, universalis.fr [abgerufen am 22. Oktober 2023]). 

Weblìnks

 Commons: British Columbia – Sammlig vo Multimediadateie

• Offiziälla Websitta vu dr Prowìnzregiarung (anglisch)
• Websitta vum Prowìnzàrkiiv (anglisch)

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „British_Columbia“ vu de hochdütsche Wikipedia. E Liste vu de Autore un Versione isch do z finde.