British-European-Airways-Flug 706

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
British-European-Airways-Flug 706
Bea vickers vanguard g-apec arp.jpg

D Vickers Vanguard G-APEC uf em Flughafe London Heathrow

Unfall-Zusammenfassung
Uufallart Struktur versäge wäge Korrusion
Ort Belgien Belgie 1 km öschtlech vo Aarsele
Datum 2. Oktober 1971
Todesopfer 63
Lüt, wo überläbt hän 0
Verletzti am Bode 1
Luftfahrzüüg
Luftfahrzüügtyp Vickers 951 Vanguard
Betriiber British European Airways
Kännzeiche G-APEC
Flugnummere 706
Abflughafe EnglandEngland Flughafe London Heathrow
Zilflughafe OsterreichÖsterreich Flughafe Salzburg
Passagier 55
Besatzig 8

Am 2. Oktober 1971 isch der British-European-Airways-Flug 706, über Belgie abgschtürzt. Ds Flugzüüg isch e viermotorigi Vickers Vanguard Turbopropmaschine gsi. Bim Absturz sy alli 63 Passagier si bi däm Unglück ums Läbe cho.

Der Unfall[ändere | Quälltäxt bearbeite]

Am Nüni am Morge vo dem 2. Oktober schtoht die "Vickers Vanguard" mit der Immatrikulations-Bezeichnig G-APEC uuf em Flugfäld vom Flughafe London Heathrow. Rund 3 Meter vom hintere Höheleitwärk von der Maschine isch en fahrbari Leitere am Flugzüüg uffgschtellt. Offesichtlich wird allerdings nitt das gwartet, was en allerdringlichschte Wartig bruucht hätt. Am Nüni 34 Minute hebt denn der Flugkapitän E.T. Probert sini Maschine vo Startbahn 28L in Richtig Salzburg ab. Am Zähni 4 Minute befindet sich s Flugzüüg im Reiseflug über Belgie und passiert "Vulpen VOR" - alles isch noo in beschter Ordnig. Knapp fünf Minute schpööter aber empfangt en belgische Kontrollturm hoch erregti Schtimme uus em Cockpit, wo sich überschniide: "Mir schtürze ab. 706, mir schtürze ab!" D Lotse ghöre über Funk es alarmierends Aschwelle von de vier "Rolls-Royce"-Turboprops. Uus Satzfätze chann d Uussag entnoh wärde, dass der Abschturz buechschtäblich in der Senkrächte erfolgt. Luut Augezüüge isch s Flugzüüg, um die eigni Achse rotierend, wie ne Schtei vom Himmel gfalle. Es hett en 6 Meter tiefe Krater in de Bode grisse. Keini von de 64 Persone an Bord het au nur die gringschti Überläbens-Chance ghaa.

D Untersuechig het als Unfallursach en Abriss von beide hintere Höheleitwärk-Fläche ergää, wo d G-APEC komplett unschtüürbar gmacht het. Ursach vo dem isch en Korrosions-Riss gsii, wo vom untere Mittelteil vom hintere Druckschott bis zum Höheleitwärch verlaufe isch. Me het feschtgschtellt, dass dä Riss bereits sit längerer Ziit beschtande het, es het also fatali Mängel bi der Qualitätssicherig gäh.

Ähnlechi Unfäll[ändere | Quälltäxt bearbeite]

Literatur[ändere | Quälltäxt bearbeite]