Brahmagupta

Dr Brahmagupta (Devanagari: ब्रह्मगुप्त; * 598; † 668) isch en indische Mathematiker und Astronom gsi. Er het s astronomische Observatorium z Ujjain gläitet und in dere Funkzion zwäi Aarbäite über Mathematik und Astronomii verfasst, s Brahmasphutasiddhanta im Joor 628 und s Khandakhadyaka im Joor 665.

S Brahmasphutasiddhanta isch dr früesti bekannti Teggst, wo din die mathematisch vollständigi Null as gschribnigi Zaal behandlet wird. Vorhäär häi im 6. Joorhundert v. d. Z. d Babylonier dr Wärt Null as Leerzäiche verwändet und spööter häi d Ptolemäer und d Römer e Sümbol gha für e leeri Mängi. Usserdäm het dr Brahmagupta in däm Wärk Regle für d Arithmetik mit negative Zaale und mit dr Zaal 0 ufgstellt, wo scho witgehend unserem modärne Verständnis entspräche. Dr grösst Underschiid bestoot din, ass dr Brahmagupta au d Division dur 0 zuegloo het, aber nume im Fall vo ${\tfrac {0}{0}}=0$ . Für e Fall vo ${\tfrac {a}{0}}$ wo $a\neq 0$ het er sich nit festgläit.^[1]. Im Geegesatz si in dr modärne Mathematik Kwoziänte mit em Divisor 0 überhaupt nit definiert.

Zu sine bekanntiste Resultat ghööre zwäi Leersetz über d Seenevieregg, wo noch iim benennt si: Dr Satz vom Brahmaguota, won e Sitehalbierig in bestimmte Seenevieregg beschribt, und d Formle vom Brahmagupta, wo d Flechi vo irgend eme Seenevieregg berächnet. Uf e Brahmagupta goot au d Brahmagupta-Identidäät zrugg.

Litratuur

David Pingree, Artikel Brahmagupta in Dictionary of Scientific Biography
S. S: Prakash Sarasvati A critical study of Brahmagupta and his works: The most distinguished Indian astronomer and mathematician of the sixth century A.D., Delhi, 1986

Weblingg

Brahmagupta. In: MacTutor History of Mathematics archive. (änglisch)

Fuessnoote

↑ Boyer: China and India. In: ', S. 220 1991 „However, here again Brahmagupta spoiled matters somewhat by asserting that $0\div 0=0$ , and on the touchy matter of $a\div 0$ , he did not commit himself:“

Dä Artikel basiert uff ere fräie Übersetzig vum Artikel „Brahmagupta“ vu de dütsche Wikipedia. E Liste vu de Autore un Versione isch do z finde.

[Boyer_Brahmagupta_p220-1] Boyer: China and India. In: ', S. 220 1991 „However, here again Brahmagupta spoiled matters somewhat by asserting that $0\div 0=0$ , and on the touchy matter of $a\div 0$ , he did not commit himself:“

[1]