Bolsena

Bolsena
	Bolsena (Italien) Bolsena
Staat:	Italie
Region:	Latium
Provinz:	Viterbo (VT)
Koordinate:	42° 39′ N, 11° 59′ OKoordinate: 42° 38′ 41″ N, 11° 59′ 9″ O
Hechi:	350 m s.l.m.
Flechi:	63,9 km²
Yywohner:	3739 (31. Dez. 2022)
Bevelkerigsdichti:	58 Yyw./km²
Poschtleitzahl:	01023
Vorwahl:	0761
ISTAT-Nummer:	056008
Demonym:	Bolsenesi
Schutzpatron:	Santa Cristina
Website:	Bolsena

Bolsena isch e Stadt mit 3739 Iiwooner (Stand 31. Dezember 2022) in dr Browinz Viterbo in dr italiänische Regioon Latium.

Geografii

Bolsena lit zmidst in de Monti Volsini am Bolsenasee, eme Kratersee wo entstande isch, won e Caldera iigstürzt isch. Dr Vulcano Vulsinio het vor öbbe 600'000 Joor aktiv worde bis zum letschte Mol im Joor 103 v. d. Z.^[2]

Zur Gmäind ghööre au d Ortsdäil Sant’Antonio und Val di Lago.

D Nochbergmäinde si Bagnoregio, Capodimonte, Castel Giorgio (TR), Gradoli, Montefiascone, Orvieto (TR) und San Lorenzo Nuovo.

Vercheer

Bolsena lit an dr Staatsstrooss SS 2 Via Cassia, wo Rom mit Floränz verbindet. Dr neggst Baanhoof befindet sich z Montefiascone. Buslinie verbinde d Stadt u. a. mit Orvieto, Viterbo und Rom.

Gschicht

Woorschinlig isch Bolsena entstande, wo d Römer d Iiwooner vom erooberete etruskische Hauptort Volsinii doo aane umgsiidlet häi, vo do chunnt si antik Naame Volsinii Novi. Es git Wüsseschaftler wo vermuete, ass s zentrale Häiligdum vo de Etrusker für e Gott Voltumna, s Fanum Voltumnae, ganz in dr Nööchi gsi sig. Z Bolsena cha mä Usgraabige go aaluege, won e Däil vo de römische Stadtaalaage (dr grooss Hauptblatz, Zistärne, Amphitheater, Katakombe) freigläit häi. D Via Cassia, äini vo de alte Römerstroosse, wo vo Rom us in d Toskana goot und vo dört bis uf Genua, goot dur Bolsena. Im Middelalter isch die Strooss Däil vom Pilgerwääg Via Francigena gsi, wo d Pilger druf vo Canterbury z Ängland über d Alpe bis uf Rom zooge si.

Literatur

Christoph Henning: Latium. Das Land um Rom. Mit Spaziergängen in der Ewigen Stadt (= DuMont-Kunst-Reiseführer). 3. aktualisierte Auflage. DuMont-Reiseverlag, Ostfildern 2006, ISBN 3-7701-6031-2.