Bola

Wappen	Karte
Basisdaten
Bundesland:	Bade-Württebärg
Landkreis:	Hoine
Stadt:	Herbrechtinge
Koordinate:	48° 38′ N, 10° 09′ O
Höchi:	472 bis 615 m ü. NN
Flechi:	22,30 km²
Iiwohner:	3180 (31. Dez. 2004)
Bevölkerigsdichti:	142 Iiwohner pro km²
Usländeradeil:	5,2 %
Postleitzahl:	89542
Vorwahl:	07324
Kfz-Kennzeiche:	HDH
Gmeindigliiderig:	2 Teilort
Adresse vom Rothuus:	Herbrechtinger Straße 8 89542 Bolheim
Website:	keini
Politik
Verwaltigsstelleleiter:	Wilhelm Pfalz

Dialäkt: Schwäbisch

Bola (Hochdeitsch: Bolheim) isch a Ortsdoil vo Herbrechtinga im Landkreis Hoine, Bada-Wirttaberg. Dr Ort hat 3180 Oiwohnr (Stoad 31. Dezember 2004), d Gemarkungsfläch isch ogfär 2230ha, davo send faschd 55 % bwaldet.

Lag

Bola ligt em Landkreis Hoina, d Brenz fliaßt durch dr Ort vo Norda nach Sida. Am eschtlichen Road passiert d Brenzboa dr Ort, parallel dazu laift d Bundesstroaß 19.

Ogrenzade Ortschafta

im Uhrzeigersenn, vo Norda b'gennad

Mergelstetta (Stadt Hoina an dr' Brenz)

Herbrechtinga (Stadt)

Dettinga (Gmoind Gerstetta)

Heldafinga (Gmoid Gerstetten)

Kipfaderf (Gmoid Stoina am Albuch)

Gschicht

Em Joar 774 isch Bola zerscht mol en ner Abschrift von ner Bsitzurkond vom Kloster Ohausa erwähnt worra, Urkonda blegats aber erscht vom Joar 1320 oa, dr heitig Noma leutat sich vo Bolem (Hiagl) ab. En dr Ortsmitt uf m Lendaberg, am Omlaufhiagl vo dr friazeitlicha Brenz erhebt sich d Kirch vo Bola, an Kirchahoiliga hot dia edda odr isch heit nemme nochweisbar. Bei Reschdorirungsarbeida isch feschdgschdelld worra, dass d heitiga Kirch uf de Grondmaura vo ner no vial äldra Kirch statt.

Bola isch bis 1972 a oigaständiga Marktgmoid gwäa, aber isch am 1. März mit Ohausa ens Stadgebiat vo Herbrechtinga eigmoidet worra.

Siadlunga

• Bola
  • Bola
  • Neibola
  • Bleiche
  • Buachhof
  • Ugahof (frier au: Ugaderf)

• Ohausa
  • Kloster Ohausa
  • Siadlung Ohausa
  • Riadmial
  • Wangahof

Liste vo elle Stroaßa on Eirichtunga

Saga

Siaba Schwoba

En Bola wird a Doil vo de dortig Landschaftsschutzgbiat noch oiner Begebaheit vo de Siaba Schwoba offizjell Hasaloch gnannt. Siaba Baim, wo in ner Roi waxe, o ner asorschda waldlosa Stell erinnert heit no an Begegnung dr Siaba Schwoba mid dem Hasa, wo doa oageblich stattgfunda hot.

Schatz vo dr Burg Furta (Furtheim)

Mr said bis heit, dass a Schatz mit ner goldana Gron uf dr Ruine Hurwang (Burg Furta) vergraba isch. Vial Schatzsuachr send scho zr nächtlicha Stond zom Graba do gwea. Koiner hat n bis heit et gfonda. Abr vial Menscha glaubat an dia Sag vom vergrabana Schatz.

Sehens- on Wissenswertes

Natur on Erholung

• Landschaftsschutzgebiat Hasaloch im Weschta mit weite Wäldr
• Naturschutzgebiat Eselsburger Dal em siada vom Kloster Ohausa
• Wald- und Abendeierspialplatz mit Grillmeglichkeita bei Ohausa

Denkmäler on Bauwerk

• Burgruin Hurwang
• Burgstall Retzaberg
• Evangelisch Kirch
• Kloster Ohausa
• Lindabergschul
• Riadmial

Weblink

•  Bolheim in der Beschreibung des Oberamts Heidenheim von 1844 im dütschsprochige Wikisource