Uf der Blattun
| Uf dr Blattun | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Westlich Araro |
| BFS-Nr.: | 6192 |
| Poschtleitzahl: | 3919 |
| Koordinate: | 629381 / 141278 |
| Höchi: | 1'542 m ü. M. |
| Flächi: | 90,63 km² |
| Iiwohner: | 298 (31. Dezämber 2022)[1] |
| Website: | www.blatten-vs.ch |
.jpg) Blattun | |
| Charte | |
 | |
| Dialäkt: Wallisertitsch |
Uf dr Blattun, offiziell Blatten, isch en Gmei im Bizirk Weschtli Araro im Wallis.
Geografii
[ändere | Quälltäxt bearbeite]Ds Dorf liggut z obrusch im Leetschentaal. Dir ds Taal fliesst d Lonza, e Situfluss vam Rottu. Zer Gmei gcheerunt d Wiilra Eistn, Ried und Wiissuried. Oberhalb sind d Alpudeerfjini vaner Weritzalpa, vaner Tellialpa, uf Chüemad und ufer Fafleralpa, und nu wiiter im Taal obuna der Gletscherstafel und der Guggistafel.
D Chilchu, wa anu 1985 gibüwwti cho ischt, het ds Patrozinium vaner Chinigi vam Roosuchranz.
Obuna am Langgletscher steit am Bäärggraat über der Leetscherlicka, wa mu zum Aletschgletscher emubergeit d Hollandiahitta vam SAC.
Gschicht
[ändere | Quälltäxt bearbeite]Uf dr Blattun ischt zum eerschtu Mal im Jaar 1433 als uffen der Blattun erwäänts cho.
Ds Dorf uf der Blattun und dr Wiiler Ried sind Ändi Mai 2025 zum grossu Teil vama Bäärgsturz verschittuti cho.
Iwoner
[ändere | Quälltäxt bearbeite]Quälla: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 234 | 272 | 288 | 277 | 284 | 274 | 305 | 329 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 343 | 372 | 362 | 344 | 343 | 327 | 296 | 281 |
Der Üsländerateil ischt 2010 bi 2 % glägu.[3]
Religioo
[ändere | Quälltäxt bearbeite]98,2 % vanu Iwonru sint im Jaar 2000 remisch-katholischi gsii.
Politik
[ändere | Quälltäxt bearbeite]Der Gmeipresidänt uf der Blattun ischt dr Matthias Bellwald (Stand Mai 2025).[4]
Spraach und Dialäkt
[ändere | Quälltäxt bearbeite]Bi der Volchszellig 2000 heint vanu 281 Iwonru 99,6 % Titsch als Höiptspraach agigää und 0,4 % anneri Spraache.[3]
Der heggschtalemannisch Dialäkt va Blattu gcheert ze weschtlichu Dialäktu vam Wallisertiitsch.
Lit
[ändere | Quälltäxt bearbeite]- Walter Henzen (1895–1967), Germanischt
Literatuur
[ändere | Quälltäxt bearbeite]- Werner Bellwald: Blatten (VS).. In: Historisches Lexikon vo dr Schwiiz.
Weblink
[ändere | Quälltäxt bearbeite]
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- 1 2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Matthias Baumer: Gemeindepräsident Blatten VS. Matthias Bellwald – der Mann, der Blatten eine Stimme gibt. In: srf.ch. 2. Juni 2025, abgerufen am 2. Juni 2025.
