Blatt (Pflanze)

S' Blatt (althochdeutsch: plat; lat. folium) isch näbe dä Schprossachsä und de Wurzlä eis vo dä drü Grundorgan vo dä höcherä Pflanze und isch dä Organtyp Phyllom. Blätter sind siitlichi Uuswüchs a de Knote (Nodi) vo dä Schprossachsä. Diä urschprünglichi Funktion vo dä Blätter isch d' Fotosünthese (Ufbau vo organische Schtoff mit Hilf vo Liecht) und Transchpirazion (Wasserverdunschtig isch wichtig für d' Nährschtoffufnahm und -transport).

Blätter wachsed nur by Schprosspflanze, das bedütet by farnartige Pflanze (Pteridophyta) und Samepflanze (Spermatophyta). Dagäge fähled sie by Moos, Alge, Pilz und Flächte, a derä Thallus allerdings blattähnlichi Schtukture ufträte chönnd, diä aber nur ä Analogie vo dä Blätter z' betrachte sind.

De Riichtum a Blattforme isch gross. I einige Fäll entschtöhnd im Lauf vo dä Evolution au Blattorgan, diä mit de urspchrüngliche Funktion vom Blatt, nämli de Photisünthese und Transchpiration, nüt meh z'tue händ: zum Biischpiel Blüeteblätter, Blattdorne und Blattranke, und Chnoschpeschuppe (luegMetamorphose vomne Blatt).

Laubblatt vonerä Lindä (Tilia spec.)

Anatomie

De hie beschriebeni anatomischi Ufbau gilt für es bifaziales Laubblatt, das isch dä hüüfigschti Laubblatt-Typ. Für alli Blätter charakteristisch sind d' Elememänt Epidermis, Mesophyll und Liitbündel.

Epidermis

De inneri Ufbau vomne typische Laubblatt

Diä oberschti Schicht vomne Blatt schlüsst nach use mit äm Abschlussgwäbi vo dä Epidermis, ab, diä nur us einerä Zällschicht beschtaht. D' Epidermis hät nach use ei wasserdichti Wachsschicht Cuticula, diä e unregulierti Verdunschtig chann verhindere. D' Zälle vo dä Epidermis händ i de Regle kei Chloropaschte (d' Zällteil i denä d' Photisünthese schtattfinde tuet).

Dä Artikel basiert uff ere fräie Übersetzig vum Artikel „Blatt_(Pflanze)“ vu de dütsche Wikipedia. E Liste vu de Autore un Versione isch do z finde.