Blackpink

Us der alemannische Wikipedia, der freie Dialäkt-Enzyklopedy
Blackpink
Blackpink ànna 2023. Vu lìnks bis rachts: d’ Rosé, d’ Jisoo, d’ Jennie un d’ Lisa
Blackpink ànna 2023.
Vu lìnks bis rachts: d’ Rosé, d’ Jisoo, d’ Jennie un d’ Lisa
Blackpink ànna 2023.
Vu lìnks bis rachts: d’ Rosé, d’ Jisoo, d’ Jennie un d’ Lisa
Allgmeini Informatione
Härkumft Seoul, Südkoreà
Genre K-Pop, Hip-Hop, R&B, EDM
Gründig 2016
Website blackpinkofficial.com
Aktuelli Bsetzig

Jisoo
Jennie
Rosé
Lisa

Dialäkt: Mìlhüüserdiitsch

Blackpink (koreànisch 블랙핑크, RR Beullaekpingkeu; oft BLACKPINK odd’r BLɅϽKPIИK schtilisiart) ìsch a südkoreànischa Girlgrupp, wo vu YG Entertainment gebìlda worra-n-ìsch. Sa bschteht üss da viar Mìtglììder Jisoo, Jennie, Rosé, and Lisa. Ìhr Debüü hàt d’ Grupp ìm Àuigscht 2016 ghàà mìt dr Veräffentligung vum Sìnggel-Àlbum Square One, wu d’ Liader Whistle un Boombayah z’ loosa sìnn. S’ äärschta Liad ìsch ìn Südkoreà Nummer-Ains-Hit worra, s’ Zwaita-n-ìsch uff dr Schpìtzaplàtz vum US-Chart Billboard World Digital Song Sales ànakumma.

Blackpink gìlt àss d’ internàzionààl ärfolgriichschta Girlgrupp üss Südkoreà un wìrd oft àls d’ „bediitendschta Girlgrupp vu dr Walt“ bezaichent.[1] Mìt’m Liad Ice Cream ànna 2020 ìsch Blackpink dr wiibliga koreànischa Kìnschtler mìt dr heechschta Plàtziarung ìm Billboard Hot 100 worra (uff Plàtz 13), wia àui ìm Billboard 200 mìt’m Àlbum Born Pink ànna 2022 (uff Plàtz 1). Born Pink ìsch àui s’ maischtverkàuifta-n-Àlbum vu jeena koreànischa Girlgrupp worra, un s’ äärschta mìt mehr àss zwai Millioona verkàuifta Schàllplàtta.[2] Üsserdam ìsch Blackpink àls äärschta Girlgrupp uff dr Schpìtzaplàtz vum Billboard’s Artist 100 so wia vum Billboard’s Emerging Artists ànakumma.[3] Mìt dr Sìnggel Ddu-Du Ddu-Du (2018) hàt Blackpink àls äärschta wiibliga koreànischa Kìnschtlera-n-a Üsszaichnung fìr Müüsikverkaif ìn da USA bikumma. D’rzüa ìsch s’ Video vum Liad s’ äärschta Müüsikvideo vun’ra koreànischa Band gsìì, wo-n-uff YouTube mehr àss 1 Milliàrda Züaschàuijer ghàà hàt.[4] Üsserdam hàt Blackpink àls äärschta koreànischa Band fìrs Liad Kiss and Make Up (2018) a Üsszaichnung fìr Müüsikverkaif ìn Groossbritànnia[5] un Àuischtrààlia bikumma[6] — s’ Liad ìsch zamma mìt dr britischa Sangera Dua Lipa-n-uffgnumma worra. Ìhr äärscht Schtüdioàlbum The Album (2020) ìsch mehr àss ainem Millioona Mol verkàuift worra. ’S ìsch s’ äärschta Àlbum vun’ra koreànischa Girlgrupp, wo dàs ärziilt hàt. S’ Wark ìsch àui uff Plàtz 2 vum Billboard 200 ànakumma; domìt ìsch’s s’ koreànischa Àlbum mìt dr heechschta Plàtziarung ìm Chart. Baida Rekorda sìnn schpeeter vum zwaita-n-Àlbum Born Pink (2022) iighoolt worra.[7] Züadam ìsch Born Pink àls äärscht Àlbum vun’ra K-Pop Girlgrupp uff dr Schpìtzaplàtz vum Billboard 200 un vum UK Albums Chart ànakumma.[8] D’ Hàuiptsìnggel vum Àlbum, Pink Venom (2022), ìsch àui àls äärscht Liad vun’ra koreànischa Band uff dr Schpìtzaplàtz ìn Àuischtrààlia ànakumma, un àls äärscht Liad vun’ma wiibliga koreànischa Kìnschtler uff dr Schpìtzaplàtz vum Billboard Global 200.[9]

Ìm Làuif vun ìhrer Kàrriar hàt Blackpink ìm Internet mehrera Rekorda gebrocha. Ìhra Videos züa da Liader Kill This Love (2019) un How You Like That (2020) hann je a Rekord vu da maischta Züaschàuijer ìnnerhàlb vu da äärschta 24 Schtunda gebrocha.[10] Àls äärschter wiibliger koreànischer Kìnschtler hàt Blackpink uff YouTube fìmf Müüsikvideos mìt je ainer Milliarda Züaschàuijer ghàà.[11] Blackpink ìsch àui dr Müüsikkìnschtler, wo-n-uff YouTube àm maischta gfolgt wìrd, un dr äärschta mìt mehr àss 80 Millioona Folger uff dara Plàttform.[12] Drzüa ìsch sa d’ Girlgrupp, wo-n-uff Spotify àm maischta gloost wìrd.[13] D’ Band hàt zàhlriicha Üsszaichnunga bikumma, drunter dr Priis vum Näija Kìnschtler vum Joohr bii da 31. Golden Disk Awards un da 26. Seoul Music Awards. Ànna 2020 ìsch sa bii da Mnet Asian Music Awards àls Bäschta Wiibliga Grupp üsszaichent worra. D’rzüa hàt sa àls äärschta koreànischa Girlgrupp a MTV Music Video Award bikumma.[14] Üsserdam ìsch Blackpink mehrmols vu Forbes Korea unter da maachtigschta Pärseenligkaita ìn Südkoreà glischtet worra.[15] Ànna 2021 hàt dr süüdkoreànischa Schtààtspresidànt Moon Jae-in d’ Band àls a wìchtiger Bschtàndtail vu dr Koreànischa Walla bezaichent.[16]

Weblìnks[ändere | Quälltäxt bearbeite]

 Commons: Blackpink – Sammlig vo Multimediadateie

Ainzelnoohwiisa[ändere | Quälltäxt bearbeite]

  1. ↑
  2. ↑
  3. ↑
  4. ↑
  5. ↑ Hugh McIntyre: BTS's 'Boy With Luv' Is Just The Fifth Korean Single To Be Certified in the U.K. In: Forbes. 17. März 2020, archiviert vom Original; abgruefen am 9. November 2022.
  6. ↑ BLACKPINK And Dua Lipa’s “Kiss And Make Up” Officially Certified Platinum In Australia. In: Soompi. 25. Oktober 2019, archiviert vom Original am 29. Juli 2021; abgruefen am 9. November 2022 (änglisch).
  7. ↑
  8. ↑
  9. ↑
  10. ↑ Blackpink's return sets new YouTube records with How You Like That. In: Guinness World Records. 30. Juni 2020, archiviert vom Original am 1. Juli 2020; abgruefen am 9. November 2022 (änglisch).
  11. ↑
  12. ↑ BLACKPINK Becomes First Artist to Surpass 80 Million Subscribers on YouTube. In: Billboard. 8. September 2022, abgruefen am 9. November 2022.
  13. ↑
  14. ↑ You Jung: BLACKPINK Becomes First Kpop Girl Group to Win MTV VMA...BTS Takes Home 4 Awards. In: TenAsia. 31. August 2020, archiviert vom Original am 22. September 2020; abgruefen am 9. November 2022.
  15. ↑
  16. ↑ Mina Gona: 문 대통령 "BTS 등 세계인 매료..문화강국 위상 더 다져갈 것". In: Star News. 11. Januar 2021, archiviert vom Original am 15. September 2021; abgruefen am 9. November 2022 (koreaanisch).
Dä Artikel basiert uff ere fräie Übersetzig vum Artikel „Blackpink“ vu de änglische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Blackpink&oldid=1051880"