Björn Höcke

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Björn Höcke (2019)

Dr Björn Höcke (* 1. April 1972 z Lünen) isch e dytsche Bolitiker (AfD). Är isch ain vu zwai Sprächer vu dr AfD Thüringen un syt dr Landdaagswaal 2014 Frakzioonsvorsitzer vu d AfD im Thüringer Landdaag. Dr Höcke isch as Gimnasiaalleerer z Hesse verbeamtet un syter anne 2014 wäg syren Aarbet as Landdaagsabgoordnete beurlaubt. Bi dr Landaagswaal 2019, wun er wider as Spitzekandidaat vu dr AfD aadrätten isch, isch d AfD unter syre Fierig zwootsteerkschti Chraft woore.

Mit dr „Erfurter Resolution“ (Meerz 2015) het dr Höcke di räächtsradikaal AfD-Streemig Der Flügel mitgrindet. Im Spootjoor 2015 het er d Erfurter Demonschtrazioone organisiert. Är verdritt Konzäpt vu dr Neie Räächte un strääbt e Bindnis vu räächtsnazionalistische Gruppe zur ethnische Homogenisierig vu Dytschland un vu Europa aa. Dr AfD-Bundesvorstand het e Amtsentheebigsverfaare geg iin im Juli 2015 zrugzooge un e Barteiuusschlussverfaare im Juni 2018 yygstellt.

Sozialwisseschaftler, Hischtoriker un s Bundesamt fir Verfassigsschutz (BfV) stelle in dr Posizioone vum Höcke Räächtsextremismus bzw. Faschismus, Rassismus, Gschiichtsrevisionismus, dailwyys Antisemitismus un Ibernaam vu Sprooch un Idee vum Nazionaalsozialismus fescht.

Publikazioone[ändere | Quälltäxt bearbeite]

  • Sebastian Hennig (Hrsg.): Nie zweimal in denselben Fluß: Björn Höcke im Gespräch mit Sebastian Hennig. Mit einem Vorwort von Frank Böckelmann. 2. verbesserte Auflage, Manuscriptum, Berlin 2018, ISBN 978-3-944872-72-8.

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Björn Höcke – Sammlig vo Multimediadateie