Berthoald
| Berthoald | |
|---|---|
| Huusmeier vo Burgund | |
| Regierigsziit | vo bevor 603 bis 604 |
| Gstorbe | 604 |
| Dodesort | Étampes |
| Vorgänger | Warnachar I. |
| Nochfolger | Protadius |
Dr Berthoald († 604) isch e Huusmeier vo Burgund am Afang vom siibte Johrhundert gsi.
Läbe
[ändere | Quälltäxt bearbeite]Dr Berthoald isch Huusmeier vor 603 worde. In däm Johr wird er in de Quelle erwähnt as Huusmeier vom König Theuderich II.. Er het dä Boste gha bis zu siim Dod 604. Dr burgundisch Chronist Fredegar beschriibt en as bescheide, vernümftig und ehrlich. 604 het dr Theuderich dr Berthoald gschiggt die königlich villa an dr Seine go z inspiziere. Das isch d Idee vom König siiner Grossmueter Brunhilde gsi, wo het welle ass dr Huusmeier chönnt ermordet wärde und si chönnt ihrem Liebhaber em Protadius dä Boste ge. Dr Berthoald isch mit dreihundert Manne z Arèle gsi, wo dr König Chlothar II. en Armee under sim Sohn Merowech und siim Huusmeier Landrich gschiggt het, für zum en azgriffe. Dr Berthoald isch noch Orléans gflüchtet und dr Landrich het en dört belageret, was gege dr Friidensverdrag mit em Theuderich gsi isch. Dä isch mit enere Armee noch Étampes zoge, won er zsämme mit em Berhtoald dr Landrich gschlage het. Dr Berthoald isch in dr Schlacht gfalle. Denn het Theuderich Paris eroberet. Dr Protadius isch zum Huusmeier ernennt worde.
| Vorgänger Warnachar I. |
Huusmeier vo Burgund 715-718 |
Nochfolger Protadius |