Orléans

Orléans
Verwàltung
Land	Frànkrich
Region	Centre-Val de Loire
Département	Loiret (45) - (Präfektur)
Arrondissement	Orléans (Unterpräfektur)
Kommünàlverbànd	Orléans Métropole
Àmtliga Nàma	Orléans
Maire	Serge Grouard (2014-2020)
Code Insee	45234
Poschtlaitzàhl	45000, 45100
Iiwohner
Iiwohner	116.617
Flech	27,48 km2
Bevelkerungsdicht	4.120,6 Iiw./km2
Làg
Koordinate	47° 54′ 08″ N, 1° 54′ 15″ E
Heche	m
Orléans Orléans (Frànkrich)
Website
https://www.orleans.fr/

Orléans [ɔʁleˈɑ̃] isch e Groossstadt und e Gmäind (commune) in dr Regioon Centre-Val de Loire, Frankriich. Es isch e Universidäätsstadt und dr Sitz vom ene Bischof mit ere iidrucksvolle Kathedraale. Orleans het 117.026 Iiwooner (Stand: 1. Januar 2020), lit an dr Loire und isch dr Sitz vo dr Prefektuur vom Départemänt Loiret.

Laag und Kliima

D Altstadt vo Orléans lit uf em Norduufer vo dr Loire in ere Hööchi vo öbbe 112 m; erst spööter si d Gmäinde uf em Süüdufer drzue choo. D Stadt lit fast 130 km (Faartstrecki) südwestlig vo Bariis. S Kliima isch gmäässigt; es räägnet öbbe 640 mm/Joor s ganze Joor üüber.

Bevölkerigsentwicklig

Jahr	1800	1851	1901	1954	1999	2018
Iiwooner	41.937	47.393	67.311	76.439	113.126	116.238

Vor allem im 20. Joorhundert isch d Stadt gwaggse dur Iigmäindige und Zuewanderig us dr Umgääbig, wo ländlig brägt isch und wo d Aarbetsloosigkäit mit dr Mechanisierig vo dr Landwirtschaft gwaggse isch.

Panoramaasicht uf Orléans

Wirtschaft

D Stadt isch zu de Zite, wo d Loire no schiffbaar gsi isch, e Määrt- und Handelszentrum gsi. Si het sich zun ere Industriistadt und ere Dienstläistigsmetropoole entwigglet mit Grichts- und Verwaltigsinstiduzioone, Gschäft, Schuele, Hoochschuele, Banke, Versichrige, Gsundhäitszentrum, Hotel, Restorant usw. Dr Durismus spiilt e wichdigi Rolle im Wirtschaftslääbe.

Seenswürdigkäite

Am bekanntiste isch die mächtigi Cathédrale Sainte-Croix (Häiligchrüzkathedraale), wo s Fänster het, wo dr Jeanne d’Arc gwidmet si. Dr Middelpunkt vo dr Altstadt isch d Place du Martroi, wo sich sit 1855 e Riterstandbild vo dr Jeanne d’Arc befindet. Im Hotel Cabu befindet sich e chliins Museum zur Stadtgschicht und -archeologii. Im Musée des Beaux-Arts d’Orléans, wo 1797 gründet worde isch und äins vo de eltiste franzöösische Browinzmuseum isch,het s öbbe 2000 Gmäld und 700 Skulptuure und die zwäitgrössti Pastellsammlig in Frankriich noch em Louvre.

• 
  Place Sainte-Croix
• 
  S Chrankehuus Madeleine
• 
  Campo Santo
• 
  Saint-Paterne

• 
  S Woonhuus vo dr Jeanne d’Arc
• 
  D Cathédrale Sainte-Croix am Oobe
• 
  D Cathédrale Sainte-Croix am Daag
• 
  Dr Wiss Durm
• 
  D Altstadt
• 
  E Fachwärkhuus
• 
  S Hôtel Groslot

Kwelle

Dr Ardikel «Orléans» uf dr dütsche Wikipedia

Weblingg

 Commons: Orléans – Sammlig vo Multimediadateie

• Ville d’Orléans – die offizielli Website vo dr Stadt Orléans
• Histoire de la Ville d’Orléans – Gschicht vo dr Stadt Orléans
• Images anciennes d’Orléans et de l’Orléanais: cartes postales – alti Bostcharte vo Orléans, us dr Bibliothèque municipale d’Orléans, mit ere Suechfunkzioon