Bernhard Stirnemann

Dr Bernhard Stirnemann (* 12. Sebdämber 1936 z Bärn; † 23. Merz 2011 am gliichen Ort) isch e Schwiizer Liedermacher u Bolitiker (SP) gsii.

Biografii

Dr Stirnemann hed nach ere abbrochene Schriinerleer ds Leererseminar absolviert un hed bis 1998 as Lehrer gschaffed. I de 1950er-Jaar hed er, unabhängig vom Mani Matter, sini erschde Chansons gschribe, inschbiriert vo de französische Chansonniers. 1961^[1] hed er ds Chällertheater Die Rampe ir Bärner Chramgass gründet, woner bis zu sire Schliessig 1982 o säuber gleited hed. Dört isch er 1966 zerschd mau gmeinsam mit de Bärner Troubadours ufdrätte; sitdäm isch er bi dene derbii blibe. Drnäbe hed er ds Theater am Chefigdurm gleited u isch o no Schouschbiler u Regisseur gsii.

Är isch vili Jaar o kulturbolitisch aktiv gsi, zersch im Bärner Schdatrat (Barlamänt), schbäter im Grosse Rat vom Kanton Bärn.

1992 hed er mid Fründe e Gnosseschafd gründet, wo sitdäm z Bärn s Musigbistrot, es Kultur-Bistro nach Pariser Vorbild, bedriibt. S isch am 20. Dodesdag vom Mani Matter ufgmacht worde.

Am 23. Merz 2011 isch er i sim 75. Läbesjaar as dritte vo de Bärner Troubadours gschdorbe, nach em Fritz Widmer u nem Markus Traber, innerhaub vomene Jaar.^[2]

Wärch

Liederbuech

Mit dr Rosmarie Walter-Fahrer, em Ruedi Krebs, em Mani Matter, em Hugo Ramseyer u em Fritz Widmer: Ballade, Lumpeliedli, Chansons à la bernoise. Benteli, Bärn 1965.

Uufnahme mit de Bärner Troubadours

Berner Troubadours – Live, LP mit Chansons vo allne sächs Troubadours, Zytglogge, Gümlige 1971 (CD: zyt 4016)
Alti Hüet, LP mid Live-Aufnahme vo irem „Nostalgieprogramm“ vom 18. Sebdämber 1978 z Bärn, Zytglogge (zyt 39), Gümlige 1978
Das Konzert, 2 LPs (bzw. CDs) mid Live-Uufnahme vo irem Jubiläumsprogramm vom 27. Novämber 1985 im Schdatteater Bärn, Zytglogge, Gümlige 1986 (CD: zyt 4052)
Das neue Programm, CD mit Live-Uufnahme (Krebs, Stirnemann & Traber) vom 16. Mai 1991 ir Mahogany-Hall z Bärn, Zytglogge (zyt 4067), Gümlige 1991
30 Jahre – Altes, Älteres, Neueres und Neues, 2CDs mit Live-Uufnahme vom 19. Novämber 1995 us em Schdatteater Bärn, Zytglogge (zyt 4076), Gümlige 1996
Gäng wie gäng – Programm 2000, 2 CDs, live aus der Capella z Bärn (La Cappella LIVE DCD), Bärn 2000
40 Jahre Berner Troubadours, CD mit Liveuufnahme us em Schdatteater Bärn vom 13. Februar u vom 20. Merz 2005, Zytglogge (zyt 4095), Gümlige 2005

Literatuur

Sandra Leis: Bernhard Stirnemann. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1757.

Weblink

Aamerkige

↑ Dr Robert Barth nennt allerdings ds Jaar 1958, lueg da: Schauspiel, Musiktheater und Tanz uf g26.ch Archivlink (Memento vom 10. Oktober 2011 im Internet Archive), Abschnitt Von den Kleintheatern zu den freien Gruppen.
↑ Fred Zaugg: Chansons an Fäden aus Licht. Im: Der Bund. 24. Merz 2011.

Dä Artikel basiert uff ere fräie Übersetzig vu dere Version vum Artikel „Bernhard_Stirnemann“ vu de dütsche Wikipedia. E Liste vu de Autore un Versione isch do z finde.

[1] Dr Robert Barth nennt allerdings ds Jaar 1958, lueg da: Schauspiel, Musiktheater und Tanz uf g26.ch Archivlink (Memento vom 10. Oktober 2011 im Internet Archive), Abschnitt Von den Kleintheatern zu den freien Gruppen.

[2] Fred Zaugg: Chansons an Fäden aus Licht. Im: Der Bund. 24. Merz 2011.

[1]

[2]