Rosmarie Walter-Fahrer
D Rosmarie Walter-Fahrer (* 2. Juni 1926) isch e Schwiizer Lehrerin, Liedermacherin und Erzählerin.
Churzbiografii
[ändere | Quälltäxt bearbeite]Über sich sälber hed d Rosmarie Walter-Fahrer gschribe, dass si „Musik, Psychologie und das Blödeln“ gärn het, und dass si dorum e „passionierti Cabaret-Texterin“ isch.[1] Si isch „Hausautorin“ vo der Bärner Schifertafele, emene vom Hugo Ramseyer gleitete Lehrercabaret,[2] gsy; iri Liedtegschd si vom Cabaret-Pianischd Rolf Attenhofer u meischdens vor Susi Aeberhard u vom Urs Kräuchi interpretiert worde.[1] (D Premiere vo de Ballade, Lumpeliedli, Chansons hed am 30. Dezämber 1964 im Theater am Zytglogge schdattgfunge.)[2] D Rosmarie Fahrer hed ou gsunge.[3] As Lehrerin hed si über pädagogischi Temene ir Lokalbolitik mitgredt.[4]
Si isch em Landesring vo de Unabhängige naagschdange,[5] isch Mitglid ir Gsellschafd Schwiiz-Israel gsy u hed schbäter ofd Läserbriefe i regionale Zytige gschribe.[6] Wägeme läbeslange Rüggeliide isch si Verteidigerin vor Schdärbehiuforganisazion Exit worde.[7]
Publikazione (Uswahl)
[ändere | Quälltäxt bearbeite]- 3 Chansons: „D Bundesratte“, „I bi verliebt“, „Zimli sicher gstört“. In: Rosmarie Fahrer, Ruedi Krebs, Mani Matter, Hugo Ramseyer, Bernhard Stirnemann und Fritz Widmer: Ballade, Lumpeliedli, Chansons à la bernoise. Benteli, Bärn 1965, S. 7-13. Mit Zeichnige vom Peter Gatzka. 2. Uuflag: 1969.
- „Zwetschgenkonfitüre.“ In: Hebel zu Ehren: Kalendergeschichten-Wettbewerb der Gemeinde Hausen im Wiesental zum 225. Geburtstag von Johann Peter Hebel. Hausen: Gemeindeverwaltung, 1985 und/oder 1987, S. 35-37.
- „Vergissmeinnicht.“ In: Der kleine Bund. Nr. 121 vom 26. Mei 2001, S. 6. Illuschdriert.
- „Unterwegs.“ Gedicht.
- Verschidnigi Artiku in Berner Jugend – Berner Schule: Zeitschrift für die Eltern, herausgegeben von Lehrerschaft und Schuldirektion der Stadt Bern.
Weblink
[ändere | Quälltäxt bearbeite]- Foti vor Rosmarie Walter-Fahrer im Katalog vor Schwiizer Nationalbibliothek.
Aamerkige
[ändere | Quälltäxt bearbeite]- 1 2 Autoren-Galerie. In: Fahrer/Krebs/Matter/Ramseyer/Stirnemann/Widmer: Ballade, Lumpeliedli, Chansons à la bernoise. Benteli, Bärn 1965, S. 46.
- 1 2 S. 306
- ↑ Stephan Hammer: Mani Matter und die Liedermacher: zum Begriff des „Liedermachers“ und zu Matters Kunst des Autoren-Liedes. Peter Lang, 2010, S. 352. ISBN 9783034303071
- ↑ Uf Radio Bärn hed si z. B. am 17. Juli 1968 mit em Peter Schuler zäme uf „Ferienlektüre für Kinder und Jugendliche“ hiigwise.
- ↑ Lueg z. B. der Briefkontakt Erwin Jaeckle
- ↑ Z. B. „Libres opinions“ im Nöieburger L’Express.
- ↑ Exit-Info 1.11 (Memento vom 17. Augschte 2014 im Internet Archive) S. 44.