Bernd Riexinger
| Dialäkt: Undermarkgreflerisch |
Dr Bernd Karl Riexinger (* 30. Oktober 1955 z Leaberg) isch e dytsche Gwärkschafter un Bolitiker (Die Linke). Vum Juni 2012 bis Februar 2021 isch er zäme mit dr Katja Kipping aun vu dr Bundersvorsitzer*ne vu syre Bartei gsii. Vu 2017 bis 2025 isch er Mitglid vum Dytsche Bundesdag gsii. Im Novämber 2025 isch er Vorsitzer vu dr Rosa-Luxemburg-Stiftig wore.
Läbe
[ändere | Quälltäxt bearbeite]Dr Riexinger het no dr Schuel e Uusbildig as Bankchaufmann gmacht un het derno bis anne 1980 in syym Bruef gschafft. Bi dr Leabärger Böusparkasse isch er derno bis anne 1990 freigstellte Bedribsrot gsii. Syt 1991 isch er Gwärkschaftssekretär vu dr Gwärkschaft ver.di. Zeh Johr speter isch er Gschäftsfierer vum vum Bezirk Stuegert wore. Är isch e Mitglid vu dr Initiative zur Vernetzung der Gewerkschaftslinken un macht mit bi dr Sozialforumsbewegig z Dytschland.
Dr Bernd Riexinger läbt zämme mit syre Läbespartnerin un däre ihre Dochter z Stuegert.
Bolitik
[ändere | Quälltäxt bearbeite]Anne 2003 het dr Riexinger zue dr Initiatore vu Protescht gege d Agenda 2010 vu dr domolige Bundesregierig gsii. Vu 2004 bis zum Zämmeschluss vu dr WASG un dr Die Linkspartei.PDS zue dr nei Bartei Die Linke im Oktober 2007 isch dr Riexinger Landessprächer vu dr WASG z Bade-Wirttebärg gsii. No dr Fusion isch er Mitglid vum gschäftsfierende Landesvorstand z Bade-Wirttebärg wore.
Am 30. Mai 2012 het dr Riexinger syy Kandidatur fir dr Bundesvorsitz vu dr Bartei Die Linke bekannt gee[1] un isch am 2. Juni 2012 mit 53,5 % vu dr Stimme zum Bundesvorsitzende gwehlt wore. Är het sich doderby gege dr Dietmar Bartsch duregsetzt.[2]
Är isch uf em Berliner Barteidag im Mai 2014 mit 90 %[3], uf em Barteidag z Magdeburg 2016 mit 79 % ,[4] un im Juni 2018 uf em Barteidag z Leipzig mit 74 % as Barteivorsitzer widergwehlt wore.[5] Uf em Barteitag im Februar 2021 hän dr Riexinger un d Kipping nimi kandidiert, iri Noofolger*ne sin d Janine Wissler un d Susanne Hennig-Wellsow wore.
Anne 2017 isch dr Bernd Riexinger iber d Landeslischt vu dr Linke Bade-Wirttebärg in Bundesdag yyzoge. Im 19. Dytsche Bundesdag isch er stellverdrättend Mitglid im Finanzuusschuss un im Uusschuss fir Wirtschaft un Energi gsii.[6]
Bi dr Bundesdagswahl 2021 isch er iber Blatz 1 vu dr Landeslkischt wideer in Bundesdag yyzoge.[7] Bi dr Bundesdagswahl 2025 isch er nimi aadrätte.[8]
Syt 2022 isch dr Riexinger Mitglid vum Vorstand vu dr Rosa-Luxemburg-Stiftig.[9] Ändi Novämber 2025 isch er zum Vorsitzer vu dr Stiftig gwehlt wore.[10]
Vereffentlichunge un Rede (Uuswahl)
[ändere | Quälltäxt bearbeite]- Riexinger, Bernd und Werner Sauerborn: Gewerkschaften in der Globalisierungsfalle: vorwärts zu den Wurzeln!, in: Supplement der Zeitschrift Sozialismus, Hamburg, 2004
- Auswege aus der politischen Krise der Gewerkschaften, in: Utopie kreativ, Januar 2000.
- Aufruf zur bundesweiten Demonstration gegen die Agenda 2010, 1. Novämber 2003 (PDF-Datei; 194 kB)
- Rede auf der bundesweiten Demonstration gegen die Agenda 2010, 1. Novämber 2003
- Perspektiven des Protestes gegen Sozialabbau, in: Sozialismus, Januar 2004.
- Rede auf der bundesweiten Demonstration gegen Hartz-IV, 2. Oktober 2004
- Neue Streikkultur. Praxisbeispiele aus Stuttgart, in: Luxemburg. Gesellschaftsanalyse und linke Praxis, Dezember 2011.
- Neue Klassenpolitik. Solidarität der Vielen statt Herrschaft der Wenigen. VSA Verlag, Hamburg 2018, ISBN 978-3-89965-827-9.
- System Change. Plädoyer für einen linken Green New Deal – Wie wir den Kampf für eine sozial- und klimagerechte Zukunft gewinnen können. VSA Verlag, Hamburg 2020, ISBN 978-3-96488-067-3.
- mit em Raul Zelik: Was ist Sozialismus heute? Warum wir den Kapitalismus überwinden müssen, Rosa-Luxemburg-Stiftung, Berlin 2024, ISBN 978-3-948250-91-1.
Literatur
[ändere | Quälltäxt bearbeite]- Riexinger, Bernd, Internationales Biographisches Archiv 36/2012 vom 4. September 2012, im Munzinger-Archiv (Artikelaafang frei abruefbar)
Weblink
[ändere | Quälltäxt bearbeite]
Fueßnote
[ändere | Quälltäxt bearbeite]- ↑ Bernd Riexinger kandidiert für Bundesvorsitz. Stuttgarter Zeitung, 30. Mai 2012
- ↑ Kipping und Riexinger führen tief zerstrittene Linke Spiegel Online, 2. Juni 2012. Abgruefen am 3. Juni 2012
- ↑ Parteitag der Linken: Kipping und Riexinger bleiben Parteivorsitzende. In: Spiegel Online. 10. Mai 2014 (spiegel.de [abgerufen am 9. Juni 2018]).
- ↑ Linken-Parteitag: Kipping und Riexinger mit mäßiger Zustimmung wiedergewählt. In: Zeit Online. (zeit.de [abgerufen am 9. Juni 2018]).
- ↑ Parteitag in Leipzig: Kipping und Riexinger als Linken-Vorsitzende wiedergewählt. In: Die Welt. 9. Juni 2018 (welt.de [abgerufen am 9. Juni 2018]).
- ↑ Deutscher Bundestag – Abgeordnete. Abgruefen am 23. November 2020.
- ↑ Gewählte in Landeslisten der Parteien in Baden-Württemberg – Der Bundeswahlleiter. Abgruefen am 8. November 2021.
- ↑ Jörg Nauke: Stuttgarter Kandidaten für Bundestag nominiert: Aynur Karlikli und Luigi Pantisano wollen für Die Linke nach Berlin. In: stuttgarter-zeitung.de. 17. November 2024, abgruefen am 21. November 2024.
- ↑ Vorstand / Verein auf Rosa-Luxemburg-Stiftung
- ↑ Neuer Vorstand der Rosa-Luxemburg-Stiftung gewählt. In: rosalux.de. 30. November 2025, abgruefen am 30. November 2025.