Benutzer Diskussion:Tarieledhwen

Sali Tarieledhwen un härzlig willchuu bi dr Alemannische Wikipedia!

Mir freien is, ass Du zuen is gstosse bisch un mit Dyyne Artikel zue dr Swisscom un BSU scho zue däre Wikipedia byydrait hesch. Wänn De no Froge hesch, no chasch Di gärn an mi oder eine vo dr andere Nutzer wände oder d Syte Wikipedia:Hilfe konsultiere. Allgmeini Diskussione findsch uf em Stammtisch und wänn De no ebbis wetsch usbrobiere, no git s dodefir au no dr Sandchaste. Nitzlig isch au s Wikipedia-Portal.

Vil Spass un bi muetig!. --Holder 06:06, 6. Jul. 2010 (MESZ)

Danke dir. I ha au Bellach no überarbeitet. Und es chöme sicher au no meh Biträg. Ei Frag ha ni aber: Wenn ich über Politiker schrib, weli Regle sind da? Also so schträng wie in Dütschland, dass me quasi nur über gwählti schribe darf, wenn si mindeschtens im Nationalrat sind, oder längt scho en Kandidatur?

Vor allem bi Artikel iber di Regione, wu alemannischi Dialäkt gschwätzt wäre (d. h. zem Byschpel Schwiiz :-)), sin mirt do nit eso sträng wie d dewiki, do dien mer ender vu Fall zue Fall entscheide, eb e Politiker jetz eso wichtig isch, ass er e eigene Artikel brucht. Un e Kandidatur fir dr Nationalrat längt uf jede Fall, ebis anders isch s villicht, wänn eber fir e Gmeindsrat vun eme 100-Seele-Dorf kandidiert un ei Stimme (syy eigeni) iberchunnt ... --Holder 10:31, 6. Jul. 2010 (MESZ)

Das heisst, ich darf e Syte über mich alege. Kantonsratskandidatin mit 1500 Stimme (ned gwählt) und Nationalratskandidatin 2011 :)) *lacht*

Immerhin find ich das, was im Dütsche Wiki lauft, mängisch bizzeli Fragwürdig. Drum frag ich zerscht. Wot ned ständig Biträg alege, wo 2min spöter glöscht wärde :)

Mir sin do rächt entspannt :-) Ei Regle, wu mer aber hän, isch dass e Artikel us zmindescht fimf Sätz muess bstoh (wämer iber des Thema cha eso vil schryybe), d. h. mir freie uns wänn du bis dr Artikel DB un SNCF no e bitzli meh schrybsch, aber do hesch bi uns zwo Wuche Zyt, bis e Artikel imfall glescht wird. LG, --Holder 10:47, 6. Jul. 2010 (MESZ)

Da chund uf jede fall no meh. Dübersetzig isch halt ned ganz eifach. :) Ha halt die Biträg uf Dütsch vorligend, und übersetze si. Also, bitte nur ned zschnell Lösche :) Bruche vllt. e chli länger Zyt, wel ich ebe au no Schaffe.

So, ha scho paar Zyle me gschribe. Spöter chund garantiert no meh. Hoffe, das lengt, um d Biträg ned zlösche. Sind immerhin Relevant :)

Vilicht noch e Warnig, wenn du en Artikel über dich sälber wotsch schriibe ;-). Do isch es wi uf de de.wp: S cha niemet garantiire, dass de Artikel so bliibt wi du en gschribe hesch. S het zum Bischpil en «Pornostar» sin eigene Artikel aagfange und wo der dann nüm so gsi isch, wi er sich des gwünscht het, het er ihn well la lösche - do si mir dann ehnder e chli stur ;-) --Badener 11:04, 6. Jul. 2010 (MESZ)

Na ändere und Apasse isch ja immer guet. Meine, ich cha ja ned alles selber schrybe. Aber bevor me löscht, wärs schön, wenn me bizeli Demokratie walte lot. Chasch ja mal mini Biträg aluege. Sicher sind do no viel Sache zverbesser. Luschtig wär ja, wenn d Biträg am schluss i mehrere Dialäkt sind. (was ja logisch isch)

Bim Artikel Dütschi Bahn han ich scho e chli gänderet. Artikel in verschidnige Dialäkt git's scho :-) und wägem Lösche muesch nöd so fescht Angscht ha. Wi de Holder scho sait, wenn's um Sache us de «Alemannia» goht, si mir nöd so schnell mit em Löschchnopf. Mir went bewusst es regionals Profil ha, d.h. mir froiet ois über Artikel, wo s numme hiir git :-) --Badener 11:16, 6. Jul. 2010 (MESZ)

Ha scho gseh, das ebber bim Artikel vo mir über Sandra-Lia Infanger guet rechechiert het. Find i guet. Also findet me si :)) (bi ja ich ^^)

Wie macht me eig. E Fuessnote, oder bearbeitet die?

Sali Tarieledhwen,

Füeg an derre Stell, wu d'Zahl stoh soll, de Code <ref> xxx </ref> ii. Anstell vum xxx müesch de Tekscht iigee, wu in de Füeßnote stoh soll. Säll wandelt d'Software deno automatisch in e Füeßnote um. Wenn's si i'me-ne Artiikel nò niene hät, no füegsch am Änd vum Artikel e neui Übberschrift (Einzelnochwiis o. ä.) ii un schribsch in de Ziile drunter de Code <references/> ane.

Grüeß, --Strommops 21:59, 6. Jul. 2010 (MESZ)

P. S.: E Hiiwiis no zu miner Bearbeitig uff Bellach SO: i ha bi "schrägi transsexuelli Politikeri" s "schrägi" uusegnuu. De Grund isch, dass (au wenn's in demm Fall wohl nit bös gmeint isch ;-) ) unseri Artiikel (gradd bi poliitische Theme) neutral sii sotte; e andere Läser, wu des nit weiß, dänkt sust wumöglig, mr schriibe absichtlig schlächts Züg übber dich. ;-) LG, --Strommops 22:03, 6. Jul. 2010 (MESZ)

Jo, passt scho so.. Aber Schräg isch ja ned Wärtend, find ich. Also i mim fall triffts uf jede fall zue. übrigens, das Bichsel in Bellach wohnt, stimmt 100% :) (wie me en zytstämpel macht, lern ich au no)

D'Signatuur chasch mit ~~~~ mache, mit dräi statt vier Tilde erschiint numme de Namme mit Link uff d'Nutzersite. --Strommops 22:28, 6. Jul. 2010 (MESZ)

Auso so: Tarieledhwen 22:33, 6. Jul. 2010 (MESZ)? COOOOOOL :)

Kritik vs. Krittik

Hoi Tarieledhwen Ich ha scho e paar mol dini «Krittik» in «Kritik» geändret, wil du's aber so regelmässig mit zwei t schriibsch, han ich dänkt, bevor ich's no einisch due ändre, frog ich liber noch. Saisch du Krit-tik oder Kri-tik? --Badener 10:38, 7. Jul. 2010 (MESZ)

Hi Badner, i säge Kri-Tik. Mängisch aber au Kritt-tik, git au situatione wo ich chrit-tig säg. S problem bi mir isch, i ha kei reine Dialekt, sondern e ziemlich schöni Hundemischig vo allem mögliche. Tarieledhwen 10:40, 7. Jul. 2010 (MESZ)

Bilder bestätige und ibinde

http://commons.wikimedia.org/wiki/File:Berlin_HB.jpg http://commons.wikimedia.org/wiki/File:Berlin_Alexanderplatz_mit_Neptunbrunnen_und_Kirche.jpg http://commons.wikimedia.org/wiki/File:Feur.jpg http://commons.wikimedia.org/wiki/File:Fischertukan.jpg

die tät ich gärn ibinde, aber natürlich ire bitzeli chlinere Version Tarieledhwen 20:19, 7. Jul. 2010 (MESZ) Und das da natürlich bi mir: http://commons.wikimedia.org/wiki/File:Sandra_Lia_Infanger.jpg

Friejoorsdräffe

Solly Tarieledhwen! Lueg doch emool uff d Planig vum Friejoorsdräffe vo de alemannische Wikipedia. Vilycht hesch joo Luscht un de Wyl zum cho, au numme zum churz vorbiluege. lg, --Terfili 15:44, 24. Apr. 2011 (MESZ)

Solly Tarieledhwen! Wänn's im Fall nonit gsee hesch: de Termin für s Dräffe stoot fescht un isch am 21./22. Mai (Wikipedia:Treffen der Wikipedianer/Frühlingstreffen 2011). Wänn ersch am Oobig chunsch, lüütesch am beschte aa wänn z Fryburg bisch, wyl's sy cha dass mer de in de Stadt un nit am Dräffpunkt sin. --Terfili 13:33, 3. Mai 2011 (MESZ)