Beda Humbel
De Beda Humbel (* 20. November 1933 z Birmischtorf; † 15. Juni 2019 z Baade) isch en Schwiizer Politiker vo de CVP gsi .
Politischs
[ändere | Quälltäxt bearbeite]Vo 1965 bis 1980 isch de Beda Humbel Grossrot im Kanton Aargau gsi, i de Amtsperiode 1977/78 als Präsident vom Grosse Rot. Im Johr 1997 isch er in de Nationalrat gwählt worde und isch derte bis 1990 blibe. Sini Schwerpünkt im Nationalrot sin d Energii- un Sicherheitspolitik gsi. I de Johr vo 1986 bis 1990 isch de Beda Humbel Präsident vom Energiiforum Nordweschtschwiiz gsi.
Biographischs
[ändere | Quälltäxt bearbeite]De Beda Humbel isch z Birmischtorf gebore un ufgwachse. D Bezirksschuel het er z Baade bsuecht. Nach de obligatorische Schuelziit het er e Lehr als Verwaltigsagstellter absolviert, uf em zwaite Bildigsweg studiert un 1961 s aargauische Awaltspatent erworbe. Vo 1960 bis 1961 isch de Beda Humbel Gmeindschriiber z Äike gsi. Ab em 1962 het er es Notariatsbureau z Baade gha, wo nach sinere de Pensionierig vo sim Sohn Benedikt übernoh worde isch.
Weblinks
[ändere | Quälltäxt bearbeite]- Andreas Steigmeier: Humbel, Beda. In: Historisches Lexikon vo dr Schwiiz.
|
Dä Artikel basiert uff ere fräie Übersetzig vum Artikel „Beda_Humbel“ vu de dütsche Wikipedia. E Liste vu de Autore un Versione isch do z finde. |