Beate Böhlen
| Dialäkt: Undermarkgreflerisch |
D Beate Böhlen, au Bea Böhlen, (* 29. Novämber 1966 z Bade) isch e dytschi Bolitikeri (Bindnis 90/Di Griene). Vu 2011 bis 2019 isch si Abgordneti im Landdag vu Bade-Wirttebärg gsii. Syt Novämber 2019 isch si Burgerbeufdraiti vum Land Bade-Wirttebärg.
Uusbildig un Beruef
[ändere | Quälltäxt bearbeite]D Beate Böhlen het an dr Elly-Heuss-Knapp-Schuel z Bihl en Uusbildig zur Erzieheri gmacht un derno ne baar Johr z Baden in ihrem Beruef gschafft. Derno het si an dr Katholische Hochschuel Fryburg Sozialarbet studiert.
Bolitik
[ändere | Quälltäxt bearbeite]D Beate Böhlen isch anne 1995 Mitglid vu dr Griene wore. Vu 1999 bis 2004 isch si Vorsitzeri vum Ortsverband Baden un vu 2001 bis 2003 Vorsitzeri vum Kraisverband Raschti/Bade gsii. Vu 2004 bis 2019 het si ne Mandat im Gmairot vu Bade ghaa un isch dert vu 2007 bis 2019 au Fraktionsvorsitzeri gsii. Bi dr Landdagswahl z Bade-Wirttebärg 2011 isch si mit em Zwaitmandat im Landdagswahlkrais Baden in dr Landdag gwehlt wore. Vu Novämber 2011 bis Oktober 2019 isch si dert Vorsitzeri vum Petitionsuusschuss gsii. Am 9. Oktober 2019 isch si vum Landdag as Noofolgeri vum Volker Schindler zur Burgerbeufdraite vum Land Bade-Wirttebärg.gwehlt wore. Des Amt het si zum 1. Novämber 2019 aadrätte. Si het im däm Zug ire Landdagsmandat nidergalti, fir sii isch dr Hans-Peter Behrens in Landdag noogruggt.
Familie
[ändere | Quälltäxt bearbeite]D Beate Böhlen isch ghyrote un het zwai Chinder.
Weblink
[ändere | Quälltäxt bearbeite]- Uuszug us em Abgordnete-Handbuech vum Landtag vu Bade-Wirttebärg fir di 15. Wahlperiod
- Beate Böhlen uf abgeordnetenwatch.de
 |
Dä Artikel basiert uff ere fräie Übersetzig vu dere Version vum Artikel „Beate_Böhlen“ vu de dütsche Wikipedia. E Liste vu de Autore un Versione isch do z finde. |