Baumerflade

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Baumerflade isch en Appizäller Läbchueche mit ere Haselnussfülig. S isch e Spezialität us Baume im Zürcher Oberland.

Beschribig[ändere | Quälltäxt bearbeite]

Di grosse tradizionelle Baumerflade händ Naturhonig im Täig und händ e Haselnussfülig.

Gschicht[ändere | Quälltäxt bearbeite]

De Ruedolf Bär isch en Beckermäischter gsi. Er hät sin Pruef im Appizällerland glert. 1902 isch er us sinere Häimet uf Baume zoge. Det hät er di erschti Konditerei im Dorf ufta. S Rezäpt vom Appizäller Läbchueche oder Biber häd er mitpracht. Als erschte hät er de Läbchueche mit ere Haselnussfülig gmacht. Won de Ruedolf Bär sini Konditerei 1933 em Schwigersohn Erhard Widmer überge häd, isch natürli au s ghäime Rezäpt vom Baumerflade debi gsi. Vo 1954 bis 1971 häd de Konditermäischter Theodor Müller s Gschäft gfüert und d Baumerflade pache, dänn de Siegfried Voland. Er häd s Rezäpt und de Betrieb 2001 em René Schwiizer überge, won aber de bekannti Name vo sim Vorgänger phalte häd. Hüt wird de Baumerflade inere grössere Bachstube z Stäg bi Baume pache und mer chunt en nöd nume z Baume und im Stäg, sondern au z Bääretschwiil, z Fehraltorf, z Laupe, z Rütti und z Wald bim Voland über.

Wortbedüütig[ändere | Quälltäxt bearbeite]

S Wort Flade isch e Churzform vo Biberflade. Biberflade oder Biberzälte isch es alts Wort, wo mer scho im 14. Jahrhundert als bimenzelte findt. S Wort bimen(t) gaat uf s latinisch pigmentum zrugg und bedüüted es Gwürz, nämmli Nägeli. E Zälte und Flade sind flachi Gebäck. isch es flachs Gebäck (au s Wort Zältli chunt devo). Will mer im 19. Jahrhundert Biment nüme verstande häd, isch Biber drus worde.[1] Bim Baumerflade häd de Ruedolf Bär aber de vorderi Worttäil mit em Name vom Dorf ustuschet.

Literatur[ändere | Quälltäxt bearbeite]

  • Albert Spycher: Ostschweizer Lebkuchenbuch, Herisau 2000.

Lueg au[ändere | Quälltäxt bearbeite]

Fuessnoote[ändere | Quälltäxt bearbeite]

  1. Vgl. Albert Spycher: Ostschweizer Lebkuchenbuch, Herisau 2000 sowie Biber II, Bedeutung 4, mit Anmerkung, im Schweizerischen Idiotikon.