Baslerlied

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldütsch

S Baslerlied oder au Z’Basel an mym Rhy isch d Hymne vom Schwiizer Kanton Basel-Stadt und dr Stadt Basel.

Dr Teggscht isch im Basler Dialäkt gschriibe und stammt vom alemannische Dichterfürscht Johann Peter Hebel (1760–1826), d Melodii vom Franz Wilhelm Abt (1819–1885).

D Hymne wird bi offizielle und inoffizielle Aläss bruucht. Bsunderi Beliebtheit erfreut si sich bi de Ahänger vom FC Basel, wo aber e veränderti Variante gsunge wird („Rot-blau Eff-Cee-Bee“)

Entstehig[ändere | Quälltäxt bearbeite]

S Hebel-Dänggmol z Baasel

Dr Hebel het das Lied ursprünglig a e „Frau Meville“, Tochter und Schwöschter vo de Bsitzer vo dr Papierfabrik z Höfe bi Schopfe grichtet, will die Fabrik s Papier zu de „Alemannische Gedicht“ vom Hebel härgstellt hett. S Lied isch um 1806 entstande, aber erscht 1834 unter em Titel „Erinnerung an Basel“ druggt worde, d Melodii isch erst 1884 drzue ko.

Teggscht[ändere | Quälltäxt bearbeite]

Lueg Text:Z'Basel an mym Rhy

Weblinks[ändere | Quälltäxt bearbeite]