Bar Kochba

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E Tetradrachme us Silber us dr Zit vom Ufstand

Dr Simon bar Kochba (aramäisch שמעון בר כוכבא, Schim'ôn Bar Kochba oder Schim'on Bar Kochva, „Soon vom Stärn“; † 135, äigentlig Schim'on bar Kosiba) isch e jüüdische Rebell und messianische Pretendent gsi, wo vo 132 bis 135 noch dr Zitewändi en Ufstand gege s Röömische Riich under em Kaiser Hadrian gfüert het und eme unabhängige jüüdische Staat as Nasi (hebräisch נשיא, was denn öbbe Brinz bedütet het und hüte Bresidänt) vorgstande isch.

Über si Lääbe wäiss mä wenig. Bim Ufstand het er zerst gröösseri Erfolg gege d Römer gha, het sich aber spööter in d Festig vo Betar müesse zruggzieh und isch dört belaageret worde. D Verdäidiger si usghungeret worde und häi schliesslig müesse kapituliere. Dr Bar Kochba isch denn vo sine Mitkämpfer umbrocht worde.

Dr Naame[ändere | Quälltäxt bearbeite]

Es git nume e baar wenigi Kwelle über e Bar Kochba. Si Vornaame Schimon (dütsch „Simon“) isch uf Münze us dr Zit vom Ufstand brägt gsi.

Si aramäische Noochnaame „Bar Kochba“, won em noch dr jüüdische Legände vom Rabbi Akiba gee worde isch, bedütet Soon vom Stärn, was sich uf die messianischi Brofezeijig vom Stärn us Jakob söll bezie (4. Buech Mose 24, 17). Wil er gschiteret isch und si Ufstand schlimmi Folge für d Juude gha het, chunnt er in dr rabbinische Litratuur as Bar Koseba (aramäisch בר כוזיבא, „Soon vo dr Luug“) vor.

Si ursprünglige Naame isch Ben Kosiba gsi. In de 1960er Joor het mä in Höölene im Wadi Murabba`at und im Nahal Hever (am Westufer vom Doote Meer in dr Nööchi vo dr Oase En Gedi) e baar Brief vom Bar Kochba gfunde. Si wärde hüt im Israelmuseum ufbewaart. Im ene griechische Brief wird si Naame as σιμων χωσιβα, Simon Chosiba gschriibe. Im Gegesatz zur hebräische oder aramäische Sprooch, wo käni Vokal kenne und nume d Konsonante vom Naame schriibe (KSBA), isch im Griechische d Vokalisierig äidütig.

Kwelle[ändere | Quälltäxt bearbeite]

  • Naphtali Lewis (Hrsg.): The documents from the Bar Kokhba period in the cave of letters. Greek papyri; Aramaic and Nabatean signatures and subscriptions. Israel Exploration Soc., Jerusalem 1989. ISBN 965-221-009-9
  • Jigael Jadin, Jonas Greenfield, Ada Yardeni (Hrsg.): The documents from the Bar Kokhba period in the cave of letters. Hebrew, Aramaic and Nabatean-Aramaic papyri. 2 Bde. Israel Exploration Soc., Jerusalem 2002. ISBN 965-221-046-3
  • Leo Mildenberg: The Coinage of the Bar Kokhba War. Aarau 1984.

Litratuur[ändere | Quälltäxt bearbeite]

  • Werner Eck: Rom herausfordern. Bar Kochba im Kampf gegen das Imperium Romanum. Das Bild des Bar Kochba-Aufstandes im Spiegel der neuen epigraphischen Überlieferung. Rom 2007.
  • Jigael Jadin: Bar Kochba. Archäologen auf den Spuren des letzten Fürsten von Israel. Hoffmann u. Campe, Hamburg 1971. ISBN 3-455-08702-7
  • Paul von Rohden: Barkocheba. In: Paulys Realencyclopädie der classischen Altertumswissenschaft (RE). Band III,1, Stuttgart 1897, Sp. 21.

Weblingg[ändere | Quälltäxt bearbeite]