Bahnstrecke Zinga–Mongo
| Zinga–Mongo (Zentralafrika) | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Streckelengi: | 6 km | ||||||||||||||||||||||||
| Spurwyti: | 600 mm (Schmalspur) | ||||||||||||||||||||||||
| |||||||||||||||||||||||||
D Baanstrecki Zinga–Mongo isch en Isebaanstrecki zwüsched Zinga und Mongo z Zentralafrika gsi. Sisch di äinzigi Isebaanstrecki i de zentralafrikanische Republik gsi, eme Land, won immer wider behaupted wird, es hebi nie Isebaane gee. D Strecki isch 1920 pout worde und 1960 stilegläid.
D Strecki isch vo de Schiffartsgsellschaft CGTA (Compagnie Générale de Transport en Afrique Equatoriale) entlang vom Ubangi pout worde, wils uf de Strecki vo Brazzaville uf Bangui zwüsched Zinga und Mongo Lauffe gha häd. Ali Güeter sind uf däre churze Strecki uf d Isebaan umglade worde. D Felse vo de Lauffe häd mer 1960 zum Täil weggsprängt und d Schiff händ stärcheri Motore gha. Drum isch sithär s Umlade nüme nötig.
Uf de Strecki sind vier Tampflokene gfare und ab 1954 no zwe Disellokene. D Spurwiiti isch 60 Santimeter gsi. Zwe Tampflokene und en Täil vo de Schine sind no deet. Ales ghört de Nachfolgegsellschaft vo de CGTA und es sötti als UNESCO-Kulturärbi für Turischte zäigt wärde.
Me im Internet[ändere | Quälltäxt bearbeite]
- Les vestiges du train de Zinga uf unesco.org
- CGTA Zinga – Mongo uf internationalsteam.co.uk