Badener Stei

Us der alemannische Wikipedia, der freie Dialäkt-Enzyklopedy
e Badener Stei
d Verpackig vo de Badener Stei

En Badener Stei isch e Schoggi-Schpezialität, wo sit em 1936 in de Stadt Bade im Kanton Aargau hergstellt wird. D Badener Stei sind wit über d Gränze vo Bade use bekannt.

Die Spezialität stoot uf de Lischte vom Kulinarischen Eerb vo de Schwiiz.

Gschicht[ändere | Quälltäxt bearbeite]

In de Zit vo de Wirtschaftskrise in de 1930er Johr het s z Bade sächs Beck gäh. Um öppis bsunders im Sortiment z ha, wo di andre nöd hei, isch em Karl Herzog d Idee mit em Badener Stei cho. Sini Erfindig isch schnell sehr beliebt worde und wo-n-er im 1955i pensioniirt worden isch, hät erg en Nochfolger für d Herstellig vo sine Badener Stei gsuecht. D Produktion isch vom 1955 bis 1990 in zwei Generatione bi de Familie Disler gläge, bevor si vom Ernst Moser übernoh worde-n-isch.

wie me se macht[ändere | Quälltäxt bearbeite]

D Badner Stei bestöhnd us eme Biscuit-Teig, wo in Kirschwasser tränkt isch. Us dem Grund isch en Badener Stei nüüt für Chind. Um de Kirschbiscuit umme häts e Schoggihülle.

En Badener Stei hät d Form vo eme Würfel, und me söll so an d Muurstei vom Schloss Stei dänke, wo s Wahrzeiche vo de Stadt Baden isch.

Weblink[ändere | Quälltäxt bearbeite]