Autostroosse

Us der alemannische Wikipedia, der freie Dialäkt-Enzyklopedy
Hiiwiissignal för Autostroosse i de Schwiz

Autostroosse sind Schnällverbindigsstroosse, wo i de Regel nu Fahrzüg mit ere Mindischtgschwindigkait druf fahre dörfed und wo weniger guet uusbaut sind, als Autobahne.

Schwiz[ändere | Quälltäxt bearbeite]

I de Schwiz sind d Autostroose im Underschid zu de Autobahne nöd richtigstrännt und händ nöd immer en Pannestraiffe. Si sind aber, mit Uusnahm vo e paar kantonale Autostroosse, wie d Autobahne mautpflichtig, me bruucht also e Vignette. D Mindischtgschwindigkait isch 80 km/h und me dörf i de Regel höchschtens 100 km/h fahre. Uf gwüsse Streckene, zum Bischpil i Tunnel, isch e tüüferi Gschwindigkait vorgee.

E bekannti Strecki isch d San Bernardino-Route (en Tail vo de A13) zwüsched Riichenau und Bellinzona.

Förschtetum Liechtestai[ändere | Quälltäxt bearbeite]

Im Förschtetum Liechtestai gits e kai Autobahne und kai Autostroose. Es git aber uf de Schwizer Site vom Rhii, also diräkt noch de Gränze, füüf Aaschlüss bi de A13. Und öber de Zoll bi Schaawald isches nu e paar Kilometer bis zu de Rhintal-Autobahn im Vorarlberg.