Asifa Akhtar

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch

D Asifa Akhtar (* 19. Februar 1971 z Karatschi, Pakistan) isch e Molekularbiologi, wu wichtigi Bydreg uf em Biet vu dr Chromosomeregulierig glaischtet het.[1] Sie isch Senior-Gruppelaiteri un Diräkteri vu dr Abdailig fir Chromatinregulierig am Max-Planck-Inschtitut fir Immunbiology un Epigenetik z Fryburg.[2] Im Juli 2020 isch si di erscht international un wybli Vizebresidänti vu dr Sektion Biology un Medizin vu dr Max-Planck-Gsellschaft wore.[3]

Härchumft un Uusbidlig[ändere | Quälltäxt bearbeite]

D Asifa Akhtar stammt urspringli vu Karatschi, Pakistan, un het e Bachelor of Science in Biology am University College London gmacht. Derno isch si zum Imperial Cancer Research Fund (jetz Dail vum Francis Crick Institute) gwächslet, go im Labor vum Richard Treisman iber d Transkriptionsregulation promoviere. Iri Postdoc-Studie zur Chromatinregulierig het d Akhtar im Labor vum Peter Becker am Europäische Laboratorium fir Molekularbiology (EMBL), Haidelberch, un am Adolf-Butenandt-Inschtitut, Minche, gmacht. D Akhtar isch anne 2001 Gruppelaiteri am EMBL wore un isch 2009 an s Max-Planck-Inschtitut fir Immunbiology un Epigenetik z Fryburg gwächslet, wu si ne aige Labor laite duet.[4] Akhtar ist Herausgeberin des Journal of Cell Science.[5] Am 1. Juli 2020 isch si zur Vizebresidänti vu dr Sektion Biology un Medizin vu dr Max-Planck-Gsellschaft gwehlt wore.

Forschigsinträssene[ändere | Quälltäxt bearbeite]

Dr Asifa Akhtar ire Forschigsschwärpunkt isch d Untersuechig vum Chromatin un epigenetische Mechanisme. An Drosophila melanogaster as experimentäll Modäll untersuecht d Akhtar, wie d Dosis-Kompensation bi dr Regulation vum X-Chromosom wirke duet.[6][7] D Studie hän si au druf kunzäntriert, wie di nukleär RNA-Helikase, DHX9, s Genom vor schädlige Uuswirkige vu dr Transposon-Insertion schitze duet.[8] In jingerer Zyt het d Akhtar untersuecht, was fir e Yyfluss Veränderige in dr Nukleosomenlandschaft uf d Transkriptionsdreii hän.[9]

Uuszaichnige un Ehrige[ändere | Quälltäxt bearbeite]

  • 2008 Early Career Award vu dr European Life Science Organization (ELSO)
  • 2013 Mitglid vu dr European Molecular Biology Organization (EMBO)
  • 2017 Wilhelm-Feldberg-Bryys
  • 2019 Ufnahm as Mitglid in dr Sektion Biochemy un Biophysik in di National Akademy vu dr Wisseschafte Leopoldina

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. ↑ What 10,000 fruit flies have to tell us about differences between the sexes (en) 19. Juli 2012.
  2. ↑ Management Board.
  3. ↑ New team, new Ideas (en-us) 1. Juli 2020.
  4. ↑ The logistics on the drosophila X chromosome (en-us) 2. Oktober 2015.
  5. ↑ Michael Way: New Editor on Journal of Cell Science. In: J Cell Sci. 132, Nr. 2, 2019-01-15
  6. ↑ Claudia Isabelle Keller Valsecchi: Facultative dosage compensation of developmental genes on autosomes in Drosophila and mouse embryonic stem cells. In: Nature Communications. 9, Nr. 1, 2018, S. 3626
  7. ↑ Asifa Akhtar: Functional interplay between MSL1 and CDK7 controls RNA polymerase II Ser5 phosphorylation. In: Nature Structural & Molecular Biology. 23, Nr. 6, June 2016, S. 580–589
  8. ↑ Asifa Akhtar: DHX9 suppresses RNA processing defects originating from the Alu invasion of the human genome. In: Nature. 544, Nr. 7648, April 2017, S. 115–119
  9. ↑ Kin Chung Lam: The NSL complex-mediated nucleosome landscape is required to maintain transcription fidelity and suppression of transcription noise. In: Genes & Development. 33, Nr. 7–8, 2019-04-01, S. 452–465
Dä Artikel basiert uff ere fräie Übersetzig vu dere Version vum Artikel „Asifa_Akhtar“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Asifa_Akhtar&oldid=1018088"