Armelle Faesch

Us der alemannische Wikipedia, der freie Dialäkt-Enzyklopedy
Dialäkt: Mìlhüüserisch
Armelle Faesch
D’ Armelle Faesch ànna 2011.
Porträt
Geburtsdag 26. Dezamber 1981
Geburtsort Mìlhüüsa, Frànkriich
Greßi 183 cm
Position Schtällera
Verain
1999–2002
2002–2004
2004–2005
2005–2015
2021–hìtt
RC Cannes
Melun-La Rochette
VBC Riom
ASPTT Mulhouse
ASE Rixheim
Nationalmannschaft
2006–2014 Frànkriich (103 Mol)
Erfolg
2000
2000, 2001, 2002
2000, 2001
2002
Top Volley
Frànzeescha Maischtera
Frànkriich-Pokàl-Sìegera
CEV-Maischterliga-Sìegera

Stand: 8. März 2022

D’ Armelle Faesch-Pellerin (* 26. Dezamber 1981 z’ Mìlhüüsa, Owerelsàss) ìsch a frànzeescha Volleybàllschpìelera, wo-n-àls Schtällera schpìelt. Mìt’m Verain RC Cannes hàt sa dräimol d’ frànzeescha Maischterschàft, zwaimol d’ frànzeescha Pokàl un aimol d’ öiropäischa CEV-Maischterliga gwunna. Vu 2005 bis 2015 hàt sa biim Mìlhüüser Verain ASPTT Mulhouse gschpìelt, un sitter 2021 schpìelt sa bii dr ASE Rixheim z’ Rìxa ìm Owerelsàss. Züadam hàt sa zwìscha 2006 un 2014 mehr àss 100 Mol ìn dr frànzeescha Nàzionààlmànnschàft gschpìelt.

ìhra Kàrriar[ändere | Quälltäxt bearbeite]

Schun àls Maidla hàt d’ Faesch vu 1991 bis 1996 z’ Sää-Louis ìm Owerelsàss Volleybàll gschpìelt. Drnooh hàt sa vu 1996 bis 1999 a Bìldung àm Federààla Volleybàll-Ìnschtitüüt z’ Toulouse bikumma. Ìn ìhra Jugendsjoohra hàt àui d’ Faesch àm Elsassischa Regionààla Schportszäntrum z’ Mìlhüüsa träniart worra.[1]

Ànna 1999 hàt d’ Faesch ìhra äärschta Schrìtta ìn dr frànzeescha Nàzionààlmaischterschàft gmàcht, biim Verain RC Cannes, wo sallamols dr frànzeescha Maischter gsìì-n-ìsch. Därt ìsch sa dräi Joohra làng blìewa. Mìt dam Verain hàt sa ànna 2000, 2001 un 2002 d’ frànzeescha Maischterschàft gwunna, so wia dr frànzeescha Pokàl ànna 2000 un 2001. Drzüa hàt sa ànna 2000 mìt Cannes dr internàzionààla Wättkàmpf Top Volley z’ Bàsel gwunna. Ànna 2002 ìsch dr Verain àm Andschpìel vum frànzeescha Pokàl vu Villebon gschlààga worra.[2] Ìm salwa Joohr hàt züadam d’ Faesch mìt’m RC Cannes d’ öiropäischa CEV-Maischterliga gwunna; àm Andschpìel hàt sa geega dr itàlianischa Verain Bergamo gschpìelt. Ìm gliicha Joohr hàt d’ Faesch zem äärschta Mol ìn dr frànzeescha Nàzionààlmànnschàft gschpìelt. Doo ìsch sa àwwer mehrera Joohra làng d’ Ärsàtzschpìelera vu dr Schtällera Karine Salinas gsìì —sa ìsch numma Hàuiptschtällera worra, wu d’ Salinas ànna 2008 d’ Mànnschàft fàralooh hàt. Ìn dr Nàzionààlmànnschàft hàt d’ Faesch zamma mìt da Mìlhüüsera Alexia Djilali, Anna Rybaczewski, Christina Bauer un Déborah Ortschitt gschpìelt.[3]

Noh zwai Joohra bii La Rochette Volley ìm Île-de-France un ainem Joohr biim VBC Riom ìm Auvergne, ìsch d’ Faesch ànna 2005 uff ìhra Haimetschtàdt Mìlhüüsa gànga ge schpìela, ìm Verain ASPTT Mulhouse. Doo ìsch sa zehn Joohra làng blìewa, un ìsch àls Schtällera d’ Mànnschàftsfiahrera worra. Mìt Mìlhüüsa hàt sa nìmm d’ frànzeescha Maischterschàft un dr Pokàl gwunna. Dr Verain ìsch àwwer jeeds Joohr zwìscha 2007 un 2012 àm 2. Plàtz vu dr Maischterschàft ànakumma, so wia-n-àm 2. Plàtz vum frànzeescha Pokàl ìn da Joohra 2009, 2010 un 2012; doo ìsch’r jedsmol vu Cannes gschlààga worra. Züadam ìsch d’ Faesch ànna 2013 mìt’m ASPTT Mulhouse àm 3. Plàtz vu dr Nàzionààlmaischterschàft ànakumma, so wia-n-àm 3. Plàtz vum frànzeescha Pokàl ànna 2006, 2014 un 2015. Ìm Joohr 2010/2011 ìsch d’ Faesch àls bäschta Schtällera ìn dr frànzeescha Maischterschàft ärnännt worra. Ìm Schportsjoohr 2014/2015 ìsch d’ Àmerikànera Lauren Plum ìhra Ärsàtzschpìelera gsìì.[4] Ìn ìhra lätschta Joohra z’ Mìlhüüsa ìsch d’ Faesch mehrmols verlätzt worra.[5][6] Ìm Àwrìl 2015, wu dr Mìlhüüser Verain àn dr Viartelfinàla vu dr Nàzionààlmaischterschàft gschlààga worra-n-ìsch, hàt d’ Faesch mìt 33 Joohra ìhra Kàrriar fartig gmàcht.[6][7]

Àb’m Harbscht 2021 ìsch àwwer d’ Faesch uff’m Volleybàllfald z’ruckkumma, dàsmol ìm Verain ASE Rixheim z’ Rìxa. Doo ìsch sa eewafàlls Schtällera gsìì. Mìt dam Verain hàt sa ìn dr 2. Nàzionààlliga gschpìelt.[8]

Sitter ìhrem Rucktrìtt üss’m ASPTT Mulhouse schàfft d’ Faesch àm Schportsdianscht vu dr Schtàdt Mìlhüüsa. Sa ìsch àui Volleybàll-Kommentàtoora àm Farnsah gsìì.[8] Naawadràà schàfft sa uff a reegelmaassiga-n-Àrt àls Fräiwìlliga àm Mìlhüüser Schportpàlàscht un träniart junga Schpìeler ìm Owerelsàss.[1]

D’ Armelle Faesch hàt a Tochter un a Suhn.[8]

Weblinks[ändere | Quälltäxt bearbeite]

 Commons: Armelle Faesch – Sammlig vo Multimediadateie

Ainzelnohwiisa[ändere | Quälltäxt bearbeite]

  1. 1,0 1,1 William Djossou, Elsa Brunner, Noan Panchaud, Tya Pierrez, Hector Vescovo, Justine Stoessel, Emir Uyarci, Dylan Hoog, Maxime L (Lycée Albert-Schweitzer Mulhouse): Mulhouse : incubateur de sportifs ? In: L’Alsace. 25. November 2021, abgruefen am 8. März 2022 (französisch).
  2. Coupe de France féminine le 29/04/02. In: dataffvb.free.fr. Fédération Française de Volley-Ball (FFVB), archiviert vom Original am 26. Oktober 2017; abgruefen am 8. März 2022 (französisch).
  3. Trois Mulhousiennes en équipe de France féminine. In: L’Alsace. 30. Dezember 2013, abgruefen am 8. März 2022 (französisch).
  4. Thomas Simon: Mulhouse a ouvert la porte de l’Europe à Lauren Plum (VNVB). In: L’Est républicain. 24. November 2018, abgruefen am 9. März 2022 (französisch): „À la fin de son cursus universitaire, la joueuse a bouclé sa valise, direction l’Europe. Et c’est à Mulhouse qu’elle a atterri (saison 2014-15), avec le statut de deuxième passeuse derrière l’internationale tricolore Armelle Faesch.“
  5. Christian Entz: Armelle Faesch et Alexia Djilali reprennent du service. In: L’Alsace. 17. März 2014, abgruefen am 8. März 2022 (französisch).
  6. 6,0 6,1 Yann Hildwein: Armelle Faesch arrête sa carrière. In: L’Équipe. 16. April 2015, abgruefen am 8. März 2022 (französisch).
  7. Christian Entz: Armelle Faesch-Pellerin : « Il n’y a pas de fin qui soit belle ». In: L’Alsace. 30. April 2015, abgruefen am 8. März 2022 (französisch).
  8. 8,0 8,1 8,2 Christelle Himmelberger: Armelle Faesch reprend du service. In: L’Alsace. 8. Oktober 2021, abgruefen am 8. März 2022 (französisch).