Archidamos II.

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Archidamos II. (altgriechἈρχίδαμος) isch e König vo Sparta gsii usem Gschlecht vo de Eurypontide. Er isch ane 469 v. Chr. noch de Flucht vo siim Groossvatter Latychidas II. König wore.

De Archidamos isch de Soo Zeuxidamos und de Vatter vo de Kyniska, wo as ersti Frau i de Olympische Spilli gwunne hett. Sini Söö sind de Agis II. und de Agasilas II. gsii.

Nochem groosse Erdbebe ane 464 v. Chr., wo d Stadt Sparta völlig zerstört hett, hett er en Aagriff vo de Helote uf d Stadt schnell chöne abwende. De Heloteuufstand hett aber z Messenie zee Joor lang duuret und het mit de Vertriibig vo de Messenier us de Peloponnes gendet.

Ane 431 v. Chr. isch de Peloponnesischii Chrieg uusbroche. Er isch ab denn jedes Joor, ussert im Pestjoor 429 v. Chr., miteme Landheer i d Attika iigfalle. Er isch 427 v. Chr. gstorbe und sii Noofolger isch sii Soo Agis II. wore.