Kyniska

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Kyniska (altgriechΚυνίσκα) isch e Spartaneri, wo as ersti Frau en olympische Siig gwune hett. Ere sis Grab isch z Sparta am Platanistas gstande.

D Kyniska isch d Töchter vom spartanische König Archidamos II. usem Gschlecht vo de Eurypontide gsii. Si hett aigni Ross uufzoge und ane 396 und 392 v. Chr. de Siig im Füli-Vierergspann errunge. Si isch zwoor de Wage nöd selber gfaare, denn Fraue hend nöd a de Olympische Spiil töre tailnee. De Siig hett si, wie doozmool Bruuch gsii isch, as Bsitzeri vo de Ross gwune.

D Kyniska hett drufabe z Olympia Bronzerooss im Zeustempel uufstele loo. De Bildhauer Apelleas hett e Siigerstatue errichtet. Ufeme Marmorsockel isch de Rennwage mitem Wagefaarer gstande und e Statue vo de Kyniska. De Sockel mit de Inschrift isch uusgrabe wore und 1896 publiziert wore.[1][2]

Quellen[ändere | Quälltäxt bearbeite]

Literatur[ändere | Quälltäxt bearbeite]

  • Karl-Wilhelm Welwei: Kyniska. In: Der Neue Pauly (DNP). Band 6, Metzler, Stuttgart 1999, ISBN 3-476-01476-2, Sp. 969.

Anzelnoowiis[ändere | Quälltäxt bearbeite]

  1. Die Inschriften von Olympia. 1896, S. 278-279, Nr. 160.
  2. Ludwig Drees: Olympia. Götter, Künstler und Athleten. Kohlhammer, Stuttgart u. a. 1967, S. 47.