Antoni Gaudí

Us der alemannische Wikipedia, der freie Dialäkt-Enzyklopedy
Foti vom Gaudí won er 26 gsi isch. (S Bild isch am 15. Merz 1878 vom Pau Audouard ufgnoo worde und isch s eltiste bekannte Bild vom Archidekt. Es isch an dr Fiir zu sim Abschluss an dr Archidekteschuel entstande.)

Dr Antoni Gaudí i Cornet ([ənˈtoni gəu̯ˈði i kuɾˈnɛt]; * 25. Juni 1852 z Reus, möögligerwiis z Riudoms; † 10. Juni 1926 z Barcelona), isch e katalanische Archidekt und e Verdräter vom Modernisme Català gsi.

Bekannti Baute[ändere | Quälltäxt bearbeite]

Äins vo de bekanntere Bauwärk vom Antoni Gaudí isch si ersts Huus, d Casa Vicens (1883–1885). Do cha mä im Gaudí si Vorliebi für Bruchstäi und Keramikblättli guet gsee.

Bi dr Casa Batlló (1904–1906) zäigt sich, wie fest dr Gaudí in d Detäi verliebt gsi isch. An de gschwungnige Dach- und Wandkonstrukzioone cha mä guet gsee, ass er d Natur zum Vorbild gnoo het.

D Casa Milà isch d Noochfolgere vom Casa Batlló. Au wenn d Casa Batlló scho e Höhepunkt vo sim Schaffe gsi isch, het er no mee Freihäit welle haa. Au doo cha mä die natüürlige Forme seer guet an de gschwungnige Dach- und Wandkonstrukzioone erkenne.

Si Lääbenswärk isch d Sagrada Família-Chille z Barcelona, wo am 7. Novämber 2010 vom Babst Benedikt XVI. gweit und zur bäbstlige Basilica minor erhoobe worden isch. Dr Gaudí het fast sit em Aafang vo sim Bruefslääbe dra gschafft. Hüte isch d Chille daas Woorzäiche vo Barcelona, au wenn si immer nonig fertig isch.

Wichdigsti Arbäite[ändere | Quälltäxt bearbeite]

  • Sagrada Família z Barcelona (1882– ; Gaudí: 1883–1926)
  • Casa Vicens z Barcelona (1883–1888)
  • Villa Quijano (El Capricho) z Comillas in dr Nööchi vo Santander (1883–1885)
  • Güell Pavillons z Barcelona (1884–1887)
  • Palau Güell z Barcelona (1886–1888)
  • Bischofspalast z Astorga (1889–1893)
  • Casa de los Botines z León
  • Casa Calvet z Barcelona (1898–1900)
  • Park Güell z Barcelona (1900–1914)
  • Casa Batlló z Barcelona (1904–1906)
  • Casa Milà (La Pedrera) z Barcelona (1906–1910)
  • Colònia Güell Krypta z Santa Coloma de Cervelló (1908–1916)

Witeri Wärk[ändere | Quälltäxt bearbeite]

Liddratuur[ändere | Quälltäxt bearbeite]

  • Josep Pla: Gaudi. Die blauen Augen von Barcelona. Berlin 2005, ISBN 3-937834-09-5
  • Joan Bergos i Masso, Joan Bassegoda i Nonell, Maria A. Crippa: Gaudi. Der Künstler und sein Werk. Hatje Cantz Verlag, Ostfildern 2000, ISBN 3-421-03457-5
  • Maria Antonietta Crippa: Antoni Gaudí 1852–1926. Von der Natur zur Baukunst. Taschen Verlag, Köln 2003, ISBN 3-8228-2442-9
  • Xavier Güell: Antoni Gaudí. Verlag für Architektur Artemis, Zürich 1987, ISBN 3-7608-8121-1
  • Frederike Müller, Lars Wendt: Der Architekt Antoni Gaudí. Mythos und Wirklichkeit, DVD 70 Min., wendtfilm & Ciné Canard, Deutschland 2006
  • Jose L. Moro: Antoni Gaudí 1852–1926. Sinnliche Konstruktion. DVA, München 2003, ISBN 3-421-03457-5
  • Isidre Puig Boada: Antoni Gaudi: paroles et écrits. Editions L’Harmattan, 2002
  • Philippe Thiébaut: Gaudi, bâtisseur visionnaire. Découvertes Gallimard, 2001
  • Isabel Artigas (Hg.): Gaudi: Das gesamte Werk. Taschen, Köln 2007, ISBN 978-3-8228-5654-3
  • Mark Burry (Hg.): "Gaudí Unseen – Die Vollendung der Sagrada Família". JOVIS Verlag Berlin 2008, ISBN 978-3-939633-78-5

Weblingg[ändere | Quälltäxt bearbeite]

 Commons: Antoni Gaudí – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „Antoni_Gaudí“ vu de dütsche Wikipedia. E Liste vu de Autore un Versione isch do z finde.