Annette Huber-Klawitter

Dialäkt: Undermarkgreflerisch

d Annette Huber-Klawitter, Oberwolfach 2009

D Annette Huber-Klawitter (* 23. Mai 1967 z Frankfurt am Main as Annette Huber) isch e dytschi Mathematikeri. Si isch Brofässeri fir Zahletheory an dr Universitet Fryburg.

Lääbe un Wirke

D Huber-Klawitter isch z Heusenstamm uf s Adolf-Reichwein-Gimnasium gange.In ireschuelzyt het si dreimol hinterenander, 1984, 1985 un 1986, dr Bundeswettbewerb Mathematik gwunne. Noch em Abitur het si ab 1986 Mathematik an dr Goethe-Universität Frankfurt am Main, dr Cambridge University un ab 1990 an dr Westfälischen Wilhelms-Universität z Münster studiert. Im nämlige Johr het si z Münster s Studium mit em Diplom abgschlosse. Ab 1991 het si z Münster as wisseschaftligi Mitarbaiteri in dr Gruppe vum Christopher Deninger gschafft. Anne 1994 isch si bim Deninger mit dr Abschlussnote „summa cum laude“ promoviert wore mit ere Dissertation zum Thema Realisierung von gemischten Motiven in derivierten Kategorien und ihre Kohomologie. Bis 2000 het si no z Münster as wiseschaftligi Assischtänti gschafft un si 1999 habilitiert. VumWS 1995/96 bis zumSS 1996 isch si iber e mit Poschtdoktorande*ne-Stipändium vu dr DFG an dr Universitet Berkeley] gsii.

Anne 2000 isch si uf dr Lehrstuel fir theoretischi Mathematik an d Universitet Leipzig gruefe wore. Im Merz 2002 het si ne Gaschtbrofässur an dr Universite Paris XI, Orsay ghaa un im Februar 2005 e Gschtbrofässur an dr Universite Paris VII, Jussieu. Anne 2008 isch si uf dr Lehrstuehl fir Zahletheory an dr Universitet Fryburg gruefe wore.

Si forscht zue arithmetischer Geometry im Umfäld vu dr Bloch-Kato-Vermuetige, vor allem zu Motives un speziälle Wärt vu L-Funktione.

Ehrige

• 1995: Heinz-Maier-Leibnitz-Ferderbryys
• 1996 Bryys vu dr Europäische Mathematische Gsellschaft (EMS) an dr ECM z Budapest
• 08/2002 Invited Speaker uf em Internationale Mathematikerkongress (ICM) z Peking in dr Sektion Zahletheory
• 04/2008 Wahl zum Mitglid vu dr Dytsche Akademy vu dr Naturforscher*ne Leopoldina, Halle
• 11/2012 Ernännig zum Fellow of the American Mathematical Society
• 6/2015 Hauptvortrag auf dem AMS-EMS-SPM International Meeting in Porto
• 2017/18: Internal Fellow vum Frias

Uusgläseni Schrifte

• Mixed Motives and their realization in derived categories, Lecture notes in Mathematics 1604, 1995
• mit J. Wildeshaus: Classical motivic polylogarithm according to Beilinson and Deligne. Doc. Math. 3 (1998), 27–133
• mit G. Kings: Degeneration of l-adic Eisenstein classes and of the elliptic polylog. Invent. Math. 135 (1999), no. 3, 545–594.
• Was wir über Gleichungen vom Grad 3 (nicht) wissen: Elliptische Kurven und die Vermutung von Birch und Swinnerton-Dyer, in Katrin Wendland, Annette Werner (Rusgeberne) Facettenreiche Mathematik. Einblicke in die moderne mathematische Forschung für alle, die mehr von Mathematik verstehen wollen, Vieweg/Teubner 2011, S. 215–236
• mit em Stefan Müller-Stach: Periods and Nori motives. In: Ergebnisse der Mathematik und ihrer Grenzgebiete 3. Folge / A Series of Modern Surveys in Mathematics book series (MATHE3, volume 65) 2017

Weblink

• Websyte vu dr Annette Huber-Klawitter an dr Uni Fryburg
• Volker Schulte: Eine Million für „reine Mathematik“. Informationsdienst Wissenschaft (idw), 2. Februar 2005
• Annette Huber Klawitter in dr Datebank AcademiaNet