Anna Serarda Campell
D Anna Serarda Campell (* 1983 z Lavin (Zernez) im Engadin) isch e rätoromanischi Schurnalischtin us dr Schwiiz.
Lääbe[ändere | Quälltäxt bearbeite]
Si isch im Underengadin ufgwachse, het z Ftan (Schuls) s Gimnasium bsuecht und drno z Bärn und z Paris Theaterwüsseschaft und Tanz studiert. Sit 2005 schaffet si als Schurnalischtin, und si schrybt Tegschte für divärsi Meedie. 2011 het si bim Radio RTR Radiotelevisiun Svizra Rumantscha afo schaffe, und für das isch si vo 2014 bis 2018 Bundeshuusredaktoorin z Bärn gsy. Sit 2018 isch si Redaktoorin und au Moderatoorin bi der Sändig Cuntrasts vo dr RTR. Si vertritt bim Färnsee und au uf verschidene Kanääl im Internet s Idioom Vallader vom Bündnerromanische.
D Anna Serarda Campell leitet zäme mit dr Gianna Olinda dr Theaterverein und d Kulturbüni la Vouta z Lavin, wo vo ire Mueter Ladina Campell mitgründet worden isch.[1][2] Und si het bim Literaturfestival Machöas ane 2018 mitgmacht, wo s um d Wäärch vo wiibleche Kulturschaffende i dr rätoromanische Literaur ggangen isch.[3]
In ere Sändig anne 2013 het d Anna Campell mit dr Redaktoorin Silvana Derungs vom bünderromanische Wörterbuech Dicziunari Rumantsch Grischun über d Wörterforschig bi däm Projäkt brichtet.[4]
2017 het si im Forum vo dr Schwiizer Gschicht z Schwyz bi der Eröffnig vo dr Uusstellig übere Bündner Künschtler Alois Carigiet mitgwürkt.
2019 het d Campell für s Färnsee RTR mit em Cuntrasts-Team e Reportaasche zum hundertjöörige Jubileeum vo dr Lia Rumantscha gmacht.
Literatur[ändere | Quälltäxt bearbeite]
- David Spinnler: Anna Serarda Campell. Lavin. CD, RTR. Chur 2008.
Weblink[ändere | Quälltäxt bearbeite]
- Anna Serarda Campell Redactura e moderatura Cuntrasts uf rtr.ch
- Journalisten im Web: Anna Serarda Campell, Moderatorin und Redaktorin bei RTR uf bernet.ch vom 15. Augste 2019
- Privati Foto-Site vo de Anna Serarda Campell uf instagram.com
Fuessnoote[ändere | Quälltäxt bearbeite]
- ↑ Fadrina Hofmann: La Vouta ist 20 Jahre Leidenschaft und Begegnung (Memento vom 24. Augschte 2019 im Internet Archive), uf dakar-produktion.ch vom 26. Februar 2018
- ↑ Da, wo etwas los ist. 15 Kulturorte in der Schweiz. Limmat Verlag, Zürich 2016.
- ↑ Machöas. LitteraturA Nairs (Memento vom 25. Augschte 2019 im Internet Archive) uf nairs.ch
- ↑ Anna Campell: Da primblas e fifis en il DRG uf rtr.ch
