Anja Kofmel
| Dialäkt: Undermarkgreflerisch |
D Anja Kofmel (* 1982 z Lugano) isch e Schwyzer Animazionsfilmmacheri un Reschiseerii.[1]
Lääbe[ändere | Quälltäxt bearbeite]
D Anja Kofmel het vu 2005 bis 2009 Animazion an dr Hochschuel Lozärn – Design & Chunscht studiert. Ire Bachelorfilm Chrigi isch an Feschtiwäl wie em International Documentary Film Festival Amsterdam, em Trickfilmfeschtiwäl Stuagert un dr Churzfilmdääg Winterthur zaigt wore; am letschte isch er mit em Bryys fir dr bescht Schuelfilm uuszaichnet wore. Si het bi verschiidene Projäkt as Animatori mitgmacht, dodrunter Das Erste und das Letzte unter dr Reschy vum Kaspar Kasics.[2]
Anne 2018 isch ire animiert Dokumäntarfilm Chris the Swiss urufgfiert wore. Fir d Realisazion vum Film het si unter anderem zwai Johr z Kroazie un z Dytschland gläbt un e Team us Animatore un Animatorne glaitet, wu bi dr Umsetzig vum Film mitgschafft hän.[3] Dr Film het am Filmfeschtiwäl vu Cannes in dr Sekzion Semaine de la Critique Premiere gfyyrt,[4] un isch zue Hyfe anderi Feschtiwäl yyglade wore. Är isch unter anderem mit em Zürcher Filmbryys uuszaichnet wore, un mit drei Schwyzer Filmbryys (Beschte Dokumäntarfilm, Beschti Montasch, Beschti Filmmusik).[5]
Syter anne 2022 isch d Kofmel Mitgliid im Stiftigsroot vu dr Zürcher Filmstiftig.[6]
Uusglaaseni Filmografy[ändere | Quälltäxt bearbeite]
As Reschiseeri:
- 2003: Strichcode
- 2004: Je Suisse
- 2005: Selling Shoes, BoxerBox
- 2009: Chrigi
- 2018: Chris the Swiss
As Animatori:
- 2018: Hanna la Rouge
- 2018: Das Erste und das Letzte
Weblink[ändere | Quälltäxt bearbeite]
- Anja Kofmel in dr Internet Movie Database
- Anja Kofmel bi filmportal.de
- Anja Kofmel bi swissfilms.ch
- d Anja Kofmel uf dr Syte vum Groupement Suisse du film d’animation (GSFA)
Fueßnote[ändere | Quälltäxt bearbeite]
- ↑ programmation: Anja Kofmel. 2. August 2020, abgruefen am 14. Februar 2021.
- ↑ SWISS FILMS: Anja Kofmel. Abgruefen am 14. Februar 2021.
- ↑ Locarno Festival: Anja Kofmel. (Nicht mehr online verfügbar.) Ehemals im Original; abgruefen am 14. Februar 2021. (Site cha nüme abgrüeft wärde; Suche im Webarchiv)
- ↑ Anja Kofmel | La Semaine de la Critique of Festival de Cannes. Abgruefen am 14. Februar 2021 (änglisch).
- ↑ Absolventin Anja Kofmel: «Dieser Film war ein Monster!» In: News Hub – Hochschule Luzern. 21. August 2019, abgruefen am 14. Februar 2021 (Schwiizer Hochtüütsch).
- ↑ Gremien – Zürcher Filmstiftung. Abgruefen am 31. März 2022.
|
Dä Artikel basiert uff ere fräie Übersetzig vu dere Version vum Artikel „Anja_Kofmel“ vu de dütsche Wikipedia. E Liste vu de Autore un Versione isch do z finde. |