Anita Vogel

D Anita Vogel (* 1950 z Kappelrodeck) isch e dytschi Wirtschaftibersetzeri un Autori.

Lääbe

D Vogel isch z Kappelrodeck ufgwagse. No dr Schuel het si Wirtschaftsibersetzeri glehrt. Si het z Paris un in dr USA gschafft un isch schließli retuur uf Dytschland chuu un het bim Daimler aagfange. Zletscht isch si dert bis zue irem Ruestand fir d Verchaufs- un Exportabwicklig vu Nutzfahrzyyg zueständig gsii.

Privat het si si scho frie mit Aschtrology, Aschtronomy un Filosofy bscheftigt. Bi dr Aschtrology inträssiert si si vor allem fir antike Stärnemärli un Zämehäng mit dr Mythology. Mit Mitti 40 het si aagfange iri Gedanke dezue ufzschrybe. Anne 1998 isch ire Buech „Zu den Quellen Sibyllas“ in dr Esoterik-Zylede vum Minchner Knaur-Verlag uusechuu. Drei Johr speter, 2001, het si im Fryburger Schillinger-Verlag s Buech „Der magische Nordschwarzwald“ uusebrocht.

Si schrybt nit nume uf Hochdytsch, nai, au in irem alemannische Dialäkt. Anne 2016 het si bim Dialäktwettbewäärb Lohrer Murre mit dr Gschicht „Hawaii-Susi“ e zweete Bryys in dr Kategory Prosa gwunne un ai Johr speter mit em Gedicht „Mummelsee in 2017“ dr zweet Bryys in dr Kategory Lyrik. 2023 het si z Lohr wider e zweete Bryys in dr Kategory Prosa gwunne mit dr Gschicht „Zeitreis in min Heimetdorf“.

Si haltet Vordreg zue verschidene Themene un macht Läsige. Si isch Mitglid im Autorenetzwärch Ortenau.

Wärch

Biecher

Zu den Quellen Sibyllas. Knaur, München 1998
Der magische Nordschwarzwald. Schillinger-Verlag, Freiburg 2001

Bydreg in Anthologie

Kappelrodeck im Bann der Felsenfee. In: Unsichtbarer Kreis - Das Ortenau-Lesebuch. Drey Gutach 11/2013, ISBN 978-3-933765-72-7
Maskenpflicht. In: Corona Decamerone. Edition Blaue Stunde 2020, ISBN 978-3-948366-03-2

Ufsätz

Anatkh (Das Verhängnis) und die Metapher der Spinne. In: Astrolog Heft 114, Zürich 02/2000
Zu den Quellen der Weisheit. In: Meridian. Lenzkirch 10/2000
Die Liebe als Sternenmythos in Thomas Manns Werk: Felix Krull. In: Astrolog Heft 120, Zürich 02/2001
Die Astronomische Uhr in der Straßburger Kathedrale. In: Astrolog Heft 133, Zürich 04/2003

Film-DVD

Bergnaiheri - Lebensweg einer Näherin im Schwarzwald. Film in niederalemannischer Mundart. Aufnahmen, Schnitt, Produktion: Film- und Fotoclub Kappelrodeck, Drehbuch, Schauspiel, Ausstattung: Anita Vogel. Produktion 2018/2019, 37 min.

Weblink

Websyte vu dr Anita Vogel
Anita Vogel uf autoren-bw.de
d Ania Vogel uf dr Websyte vu dr Muettersproch-Gsellschaft
d Anita Vogel bim Autorenetzwärch Ortenau
Anne-Marie Glaser: Vom Tunnelwascher zum Sternenmärchen, Stadtanzeiger Ortenau, 31. Jänner 2017
Juliana Eiland-Jung: Murre benötigt mehr Werbung, Badische Zeitung, 2. Novämber 2023