Anicetus

Us der alemannische Wikipedia, der freie Dialäkt-Enzyklopedy

Dr Anicetus (* um 92/100 z Emesa, em hitige Homs am Fluss Orontes; † 17. April (?) 160/166 (?) z Rom) isch vu ebbe 154 bis 166 Bischof vu Rom gsii. Är isch e Assyrer gsii vu Emesa.

In dr Zyt vu sym Pontifikat het dr Polykarp vu Smyrna di remisch Chilche bsuecht. Är un dr Anicetus hän s Datum vum Oschterfescht dischpetiert, wu d Chilche vu Smyrna zum jidische Pessachfescht gfyyrt het, dewrwylscht s di remisch Chilche alliwyl am e Suntig gfyyrt ghaah het, wel des dr Ag vu dr Uferstehig vum Herr gsii isch. Wäge däm isch au dr Suntig im Chrischtetum dr hailig Dag. Dr Anicetus un dr Polycarp hän si nit chennen ainige, aber dr Anicetus het em Polycarp erlaubt, sy Tradition wyter z pfläge. Die Kontrovers isch in dr Johrhundert derno as Oschterfeschtstryt wider ufgflammt.

Au dr chrischtli Hischtoriker Hegesippus het Rom in däre Zyt bsuecht. Dää Bsuech wird vylmol as Beleg fir d Bedytig vu dr Bischef vu Rom fir d Chilche gnuu.

Dr Anicetus isch dr erscht Bischof vu Rom gsii, wu ne Häresy verdammt het, indäm er dr Montanismus verbote het. Är het si au effetli gege d Gnoschtiker un dr Markionismus gstellt. Noch em Liber Pontificalis het dr Anicetus s Gebot erloo, ass Prieschter kaini lange Hoor derfe drage (villicht wel d Gnoschtiker sin eso drait ghaa hän). Des isch aber nume in dr Weschtchilche allgmaine Bruch wore.

Ass dr Anicetus as Märtyrer gstorben isch (an ame 16., 17. oder 20. April), giltet as uuhischtorisch. Sy Gedänktdag isch dr 17. April.

Dr Name bedytet „Dr Uubsigt“ (griech.).

Literatur[ändere | Quälltäxt bearbeite]

  • Friedrich Wilhelm Bautz: Anicet. In: Biographisch-Bibliographisches Kirchenlexikon (BBKL). Band 1, Hamm 1975, Sp. 176.
  • Thomas Campbell: Pope St. Anicetus. In: Catholic Encyclopedia, Band 1, Robert Appleton Company, New York 1907 (änglisch)

Weblink[ändere | Quälltäxt bearbeite]

 Commons: Anicetus – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „Anicetus“ vu de dütsche Wikipedia. E Liste vu de Autore un Versione isch do z finde.